Гасцёўня

Дзень добры, сябры! Праз гэты вэб-сервіс газеты "Універсітэт" вы даведаецеся пра апошнія абнаўленні на нашым сайце і выхад свежага нумара. Акрамя таго, тут вы можаце звярнуцца да рэдакцыі наконт дзейнасці газеты ці зместу сайта. Ахвотна адкажам на ўсе вашы прапановы. Да сувязі! BH5sQmTWj0A

27 каментарыяў

  1. Рэдакцыя "Універсітэт" says:

    Шаноўнае спадарства, на сайце “Універсітэта” размешчаны матэрыялы № 10 газеты. Вы можаце прачытаць пра:
    — интэрв’ю з старшынёй прафкама супрацоўнікаў БДУ Ігарам ВЯРЭНЧЫКАВЫМ пра асаблівасці новай Калектыўнай дамовы і дзейнасць прафсаюза;
    — гутарку з выхавацелем САК “Брыганціна” Сяргеем КРАСКОЎСКІМ пра стасункі з дзяцьмі ў межах летняга лагера;
    — выпускныя балі студэнтаў БДУ з ліку беларусаў і замежнікаў;
    — удзел студэнта БДУ Улада Чыжыкава ў міжнародным эстрадным конкурсе Youthvision у Баку;
    — аб’явы пра вакансіі, віншаванні юбілярам, дайджэст і іншую інфармацыю;
    Нумар можна пабачыць таксама ў PDF-версіі.
    Акрамя таго, на сайце газеты размешчана шмат дадатковых матэрыялаў (пра святкаванне Дня і Дня вышыванкі, запуск студэнтамі БДУ двух мікраспадарожнікаў у межах чэмпіяната “CanSat у Расіі”, удзел аматараў беларускай мовы з 13 краін у межах ІІ школы беларусістыкі на базе РІВШ, інтэрв’ю з вядомым тэлевядучым Яўгенам Перліным і шматлікія іншыя цікавосткі).
    Не прамініце!

  2. Рэдакцыя "Універсітэт" says:

    Шаноўнае спадарства, на сайце “Універсітэта” размешчаны матэрыялы № 8 газеты. Вы можаце прачытаць пра:
    — выступленне (падрабязнае) ў БДУ міністра замежных спраў РФ Сяргея ЛАЎРОВА, які распавеў выкладчыкам і студэнтаў пра міжнародную сітуацыю ў свеце і ролю Беларусі;
    — ушанаванне званнем “Ганаровы прафесар БДУ” рэктара Даляньскага політэхнічнага ўніверсітэта акадэміка Го ДУНМІНА, выбітнага кітайскага навукоўцы;
    — абвяшчэнне першага ўніверсітэцкага конкурсу навуковых гурткоў, на прыкладзе дзейнасці некаторых даследчых згуртаванняў;
    міжнародны круглы стол “Дыялог культур у эпоху глабальных рызык” на базе ФФСН БДУ;
    комплекс абсталявання для абясшкоджвання фармацэўтычных адходаў, распрацаваны навукоўцамі НДІ ядзерных праблем пад кіраўніцтвам Віктара КАРПОВІЧА, якім зацікавіліся Расія і Ізраіль;
    — удзел БДУ ў Рэспубліканскай універсітэцкай субоце на пляцоўцы Палаца спорту;
    вандроўку замежных студэнтаў БДУ ў Белавежскую пушчу;
    — масавы турзлёт актывістаў БРСМ на базе адпачынку “Высокі бераг” у Стаўбцоўскім раёне;
    — аб’явы пра вакансіі, віншаванні юбілярам, дайджэст і іншую інфармацыю;
    Нумар можна пабачыць таксама ў PDF-версіі.
    Акрамя таго, на сайце газеты размешчана шмат дадатковых матэрыялаў (пра падрыхтоўку да запуска першага ўніверсітэцкага мікраспадаражніка БЕКАСС; дыскусію пра ролю жанчын у развіцці суаснай адукацыі і навукі; першую алімпіяду на англійскай мове сярод студэнтаў спецыяльнасці “Мытная справа” і шматлікія іншыя цікавосткі).
    Не прамініце!

  3. Рэдакцыя "Універсітэт" says:

    Шаноўнае спадарства, на сайце “Універсітэта” размешчаны матэрыялы № 5 газеты. Вы можаце прачытаць пра:
    — самыя яскравыя моманты Фестывалю факультэтаў БДУ і ўражанні яго шматлікіх наведнікаў;
    — гутарку з дырэктарам Інстытута бізнесу і менеджменту тэхналогій прафесарам Уладзімірам АПАНАСОВІЧАМ з нагоды 20-годдзя ІБМТ;
    — вынікікі конкурса адкрытых адукацыйных і навуковых рэсурсаў факультэтаў/інстытутаў іншых падраздзяленняў БДУ;
    — папулярны Дзень кар’еры БДУ, ў якім ўзялі каля 20 кампаній у транспартна-лагістычнай, банкаўскай, юрыдычнай і ІТ-сферах у каментарыях удзельнікаў ;
    — дзелавую грамадска-адукацыйную кампанію “Твой выбар” падчас якой у БРСМ з’явіўся новы лідар;
    — аб’явы наконт вакансій;
    — спісы юбіляраў;
    — дайджэст і іншую інфармацыю;
    Нумар можна пабачыць таксама ў PDF-версіі.
    Акрамя таго, на сайце газеты размешчана шмат дадатковых матэрыялаў (пра каратэ, моладзевы праект “Навука на пальцах”, навуковыя баталіі СТЕНД, фестываль моў на філфаку і шматлікія іншыя цікавосткі.
    Не прамініце!

  4. Рэдакцыя "Універсітэт" says:

    Шаноўнае спадарства, на сайце “Універсітэта” размешчаны матэрыялы № 22-23 газеты. Вы можаце прачытаць пра:
    — выказванні выкладчыкаў БДУ пра выпускніцу нашага журфака і першага Нобелеўскага лаўрэата ў гісторыі Беларусі Святлану АЛЕКСІЕВІЧ;
    — гутарку з загадчыкам кафедры педагогікі і праблем развіцця адукацыі прафесарам Вольгай ЖУК наконт адаптацыі нацыянальнай сістэмы адукацыі да Балонскага працэсу;
    — гутарку з загадчыкам цыклатронна-радыехімічнай лабараторыі рэспубліканскага ПЭТ-цэнтра дацэнтам хімічнага факультэта БДУ Святаславам БРЫНКЕВІЧАМ пра працу нашых спецыялістаў і падрыхтоўку кадраў;
    — гутарку з загадчыкам кафедры клеткавай біялогіі і біяінжынерыі раслін Вадзімам ДЗЯМІДЧЫКАМ пра працу ў Кембрыджскім універсітэце і навучанне студэнтаў у БДУ;
    — адкрыццё вытворчасці фармацэўтычных субстанцый на базе РУП “Унітэхпрам” БДУ;
    — прэзентацыю лаўрэатаў конкурсу “Студэнт года–2015” БДУ;
    — развіццё праграмы Erasmus+ і шанцы для студэнтаў вучыцца і вандраваць па свеце;
    — удзел дэлегацыі прадстаўнікоў студэнцкіх арганізацый БДУ ў міжнародным моладзевым форуме “Мітвайда сустракае сяброў з Усходняй Еўропы” ў Германіі;
    — дабрачынны канцэрт “Дух Каляд” для 150 дзяцей рэабілітацыйна-аздараўленчага цэнтра “Ждановічы”, які зладзіла ўпраўленне па справах культуры;
    — адзначэнне студэнцкіх інтэрнатаў БДУ па выніках аглядаў-конкурсаў у Маскоўскім, Ленінскім і Цэнтральным раёнах г. Мінска;
    — падвядзенне вынікаў спартакіяды 2015 года.
    Нумар можна пабачыць таксама ў PDF-версіі.

    Акрамя таго, на сайце газеты размешчана шмат дадатковых матэрыялаў (пра каратэ, мінскія культурніцкія імпрэзы, конкурс “ПсіАлімп–2015”, праект Tempus Netgeng па мадэрнізацыі навучання аспірантаў, навагодняя апытанка цікавых студэнтаў і інш.)
    Не прамініце!

  5. Рэдакцыя "Універсітэт" says:

    Шаноўнае спадарства!
    З гэтага моманту мы пачынаем часцей інфармаваць вас пра абнаўленні інфармацыі на нашым сайце.
    Сярод апошніх цікавостак:
    — размешчаны матэрыял пра масавы ўдзел студэнтаў БДУ ў спаборнітвах Беларускай федэрацыі каратэ;
    — зроблена публікацыя пра прагляд у межах кінаклуба “Фрузэ” дакументальнай стужкі “Госці” пра прытулак у Шчучынчскім раёне;
    — абноўлена асобная старонка “Цікавы факт” сюжэтам пра ўнікальнасць спадчыны Ф. Скарыны для беларускай і агульнаеўрапейскай культуры;
    — істотна дапоўнены калекцыі фатаздымкаў на старонцы “Студэнкі ракурс”;
    — старонкі “Студэнцкі ракурс” і “Факультэцкія жарты” уведзеныя ў раздзел “Гасцёўня”.
    Не прамініце!

  6. Сергей Шафалович says:

    Шаноўнае спадарства, на сайце http://www.gazeta.bsu.by “Універсітэта” размешчаны матэрыялы № 20 газеты. Вы можаце прачытаць пра:

    – меркаванні прадстаўнікоў студэнцкага самакіравання наконт увядзення платных пераздач;
    – лаўрэата прэміі БДУ імя У.І. Пічэты прафесара Інстытута журналістыкі Алега СЛУКУ і яго канцэптуальную працу “Беларуская журналістыка”;
    – лекцыю па актуальных праблемах грамадства вядомага расійскага сацыёлага і галоўнага рэдактара часопіса “Сацыялагічныя даследаванні” Жана ТОШЧАНКІ студэнтам ФФСН;
    – імпрэзу “Прачытай Караткевіча з намі” да 85-годдзя з дня нараджэння класіка беларускай літаратуры;
    – круглы стол “Я выбіраю Беларусь” Саюза жанчын БДУ з удзелам студэнтаў і замежных выкладчыкаў і гасцей;
    – першую школу выкладання рускай мовы як замежнай у нашай краіне з выставай да 55-годдзя ФДА;
    – перамогу дзявочай зборнай БДУ па футзале на Рэспубліканскай універсіядзе–2015;
    – адмысловую акцыю на каньках студэнцкага прафкама “Растопім лёд разам”;
    – канферэнцыю моладзевых даследчыкаў у межах праекта “Навука на пальцах”.

    Акрамя таго, на сайце газеты размешчана шмат дадатковых матэрыялаў (пра каратэ, савет зямляцтваў, фестывалі “Тэатральны куфар” і “Такія пернікі” і інш. ).
    Не прамініце!

  7. Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 19 газеты ад 17 лістапада. Вы можаце прачытаць пра:
    — лаўрэатаў прэмій імя А.Н. Сеўчанкі і імя У.І. Пічэты найлепшым навукоўцам БДУ;
    — гутарку з прафесарам Барысам НОРМАНАМ з нагоды ўшанавання яго званнем ганаровага доктара Плоўдзіўскага ўніверсітэта (поўная версія на сайце);
    — размова з старшым выкладчыкам філалагічнага факультэта Гардзеем ХОМІЧАМ (поўная версія на сайце) наконт яго перамогі на конкурсе настаўнікаў рускай славеснасці ў Маскве;
    — нарыс да 80-годдзя заснавальніка школы метадалогіі гісторыі Уладзіміра СІДАРЦОВА ;
    — навуковыя праекты ЦПРА БДУ з Томскага дзяржаўнага ўніверсітэта;
    — Дзень кар’еры, на якім студэнтам прапаноўвалі месцы для працы, стажыровак, трэнінгі для будучых кіраванцаў і нават нэтворкінг ;
    —турнір BSU Battle Game, падчас якого студэнты ўвасобіліся ў сярэднявечных рыцараў і ваяроў;
    — аб’явы пра вакансіі, віншаванні юбілярам, дайджэст СМІ і інш.
    Гэты нумар можна пабачыць цалкам у фармаце PDF.
    Не прамініце!

  8. Рэдакцыя "Універсітэт" says:

    Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 15-16 газеты ад 9 кастрычніка. Вы можаце прачытаць пра:
    — уключэнне БДУ ў міжнародны рэйтынг THE;
    — уражанні прарэктара па навуцы акадэміка Алега Івашкевіча ад Сусветнай выставы EXPO-2015 у Мілане;
    — справаздачу рэктара акадэміка Сяргея Абламейкі па выніках працы БДУ за 2011-2015 гг.;
    — святкаванне 20-годдзя факультэта міжнародных адносін;
    — урачыстую сустрэчу да 80-годдзя прафесара Таццяны Арловай на журфаку;
    — навуковыя чытанні імя Г. Я. Рылюка на геаграыічным факультэце;
    — інтэрв’ю з галоўным рэжысерам гучнага БДУ-фэста Валянцінам Кірыкам;
    — вечарыну клуба аматараў мастацкага слова “КЛУмБа”;
    — феерычны адукацыйны семінар для стараст 1 курса;
    — Кубак першакурсніка-2015;
    — канферэнцыю па пытаннях самакіравання;
    Гэты нумар можна пабачыць цалкам у фармаце PDF.
    Не прамініце!

  9. Сергей Шафалович says:

    Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 14 газеты ад 23 верасня. Вы можаце прачытаць пра:
    — умацаванне пазіцый БДУ ў міжнародным рэйтынгу QS;
    — лекцыю для студэнтаў віцэ-прэзідэнта Універсітэта Люксембурга Франка Лепрэвоста;
    — жыццё-быццё студэнтаў сахараўскага інстытута, якія нядаўна далучыліся да супольнасці БДУ;
    — распрацоўку медыяцэнтрам фірмовага стылю БДУ з узорамі прадукцыі;
    — праграму павышэння кваліфікацыі ў БДУ для кіраўнікоў Чжэцзянскага Шужэн універсітэта;
    — круглы стол лідараў ячэек БРСМ з мінскіх ВНУ пры ўдзеле міністра адукацыі па ролі студэнцкага самакіравання;
    — удзел нашых студэнтаў у святкаванні Дня горада і маштабным паўмарафоне.
    Не прамініце!

  10. Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 5 газеты (спецвыпуск да фестывалю факультэтаў БДУ). Вы можаце прачытаць пра:
    — цікавосткі сённяшняй прыёмнай кампаніі ў БДУ і звесткі пра навучальныя падраздзяленні альма-матар;
    — уражанні моладзевых лідараў ад удзелу ў шматлікіх праектах і конкурсах і рэалізацыі ўласных ініцыятыў;
    — шматграннае студэнцкае жыццё і дзейнасць моладзевых арганізацый, развіццё асобы ў межах студгарадка, заахвочванні ўпраўлення па справах культуры і фізічнае выхаванне;
    — размах навукова-даследчай працы студэнтаў і шырокія міжнародныя адукацыйныя магчымасці;
    — жыццёвыя гісторыі паспяховых студэнтаў БДУ і расповед пра ўдалую сесію першакурснікаў мехмата, за якую яны атрымалі нават торцік ад рэктара;
    — увасабленне студэнцкіх ідэй у запатрабаваную прадукцыю пасродкам стартап-цэнтра БДУ;
    — поспехі нашых спартоўцаў і феерычную паездку танцавальнага ансамбля “Крыжачок” у Сардзінію.
    Не прамініце!

  11. Рэдакцыя "Універсітэт" says:

    Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 4 газеты. Вы можаце прачытаць пра:
    — гутарку прадстаўнікоў студэнцкага прафсаюза з міністрам адукацыі Беларусі Міхаілам ЖУРАЎКОВЫМ пра рэформу адукацыі, месцы ў інтэрнатах, матэрыяльную дапамогу і канкурэнтаздольнасць айчыннай вышэйшай школы;
    — удзел нашых навукоўцаў у распрацоўцы праграмы развіцця Томскага дзяржуніверсітэта ў сувязі з набыццём ім статуса нацыянальнага даследчага ўніверсітэта;
    — святкаванне 55-гадовага юбілею Расійскага ўніверсітэта дружбы народаў у Маскве вачыма супрацоўніка БДУ;
    — крэатыўнага куратара для першакурснікаў Надзею ЕЛЬСУКОВУ з факультэта сацыякультурных камунікацый;
    — справаздачна-выбарны Прафесарскі сход БДУ і абранне яго новага старшыні;
    — паездку актывістаў БРСМ па школах Навагрудскага раёну ў межах прафарыентацыйнай акцыі “Універсітэт – твой крок у будучыню”
    — поспехі нашых ліцэістаў на алімпіядзе школьнікаў па праграмаванні ў Маскве;
    І Еўразійскі навукова-практычны форум па аналітычнай эканоміцы
    — і іншая інфармацыя
    Не прамініце!

  12. Рэдакцыя "Універсітэт" says:

    Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 3 газеты. Вы можаце прачытаць пра:
    — сустрэчу Патрыяршага Экзарха ўсяе Беларусі Паўла са студэнтамі нашага ўніверсітэта
    — сур’ёзны ўздым БДУ ў міжнародных рэйтынгах
    — адну з самых самавітых універсітэцкіх дынастый НАВУМОВІЧАЎ і іх родапачынальнікаў Уладзіміра і Людмілу
    — гутарку з прафесарам ФПМІ Генадзем МЯДЗВЕДЗЕВЫМ з нагоды яго юбілею
    — стракатае святкаванне студэнтамі БДУ Масленіцы
    — правядзенне Дзён роднай мовы ў Інстытуце журналістыкі
    — канферэнцыю па міжнароднай журналістыцы
    — гістарычную хроніку на адпаведны месяц
    — і іншая інфармацыя!

    Не прамініце!

  13. Рэдакцыя "Універсітэт" says:

    Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 2 газеты. Вы можаце прачытаць:
    — Гутарку з дырэктарам Камбіната грамадскага харчавання БДУ Жаннай ВАРАНКЕВІЧ пра хуткія істотныя змены ў працы сталовых і буфетаў БДУ
    — Рэпартаж з абноўленага інтэрната № 3, які нядаўна адчыніўся пасля капітальнага рамонту
    — Займальны гістарычны нарыс пра неардынарнага вучонага-радыёфізіка Аляксандра КОЎРЫКАВА, стваральніка электрамагнітнай гіпертэрміі для лячэння анкахворых
    — Разгорнуты анонс выставы “Каменная казка” — Расповед пра зімовую спартакіяду кіраўніцкага персаналу БДУ, якая завяршылася незвычайным канцэртам
    — Матэрыял пра рэспубліканскае спартыўны студэнцкі форум у Горках і перамогу каманды БДУ па чэрлідынгу DanStart
    — Цікавосткі псіхалагічнай службы БДУ
    — і іншая інфармацыя
    Не прамініце!

  14. Рэдакцыя "Універсітэт" says:

    Шаноўнае спадарства, на сайце “Універсітэта” http://www.gazeta.bsu.by размешчаны матэрыялы № 1 газеты, прысвечанага Дню беларускай навукі. Вы можаце даведацца:
    — пра навуковую дзейнасць і навуковы патэнцыял БДУ
    — пра навукова-даследчую работу студэнтаў і аспірантаў (НДРС)
    — Аэракасмічныя даследаванні ў НДІ прыкладных фізічных праблем імя А. Н. Сеўчанкі і апаратуру БДУ на Міжнароднай касмічнай станцыі
    — ТОП-10 экспарту навукова-тэхнічнай прадукцыі і паслуг БДУ ў 2014
    — акрамя таго, на сайце размешчаны змястоўныя інтэрв’ю з двума маладымі навукоўцамі БДУ – старшым выкладчыкам гістафака Алінай Верамейчык і дацэнтам кафедры бія- і нанамеханікі Кірылам Юркевічам
    — і іншая інфармацыя
    Не прамініце!

  15. Шаноўнае спадарства, на сайце “Універсітэта” http://www.gazeta.bsu.by выкладзены матэрыялы № 10 газеты. Вы можаце пачытаць пра:
    — Тыднёвую школу развіцця кампетэнцый для маладых выкладчыкаў, якая ўпершыню прайшла ў БДУ на базе САК “Брыганціна”
    — Першыя інавацыйныя праекты, распрацаваныя студэнтамі БДУ падчас навучання ў стартап-цэнтры БДУ
    — Сёлетні “кантынгент” БДУ па праграме ЕС Erasmus-Mundus
    — Удзел нашых студэнтаў у Рэспубліканскім конкурсе навуковых прац (з экспрэс-каментарам)
    — Першы выпуск спартыўных журналістаў
    — Міжнародны чэмпіянат “Моладзь у прадпрымальніцтве”
    — Студэнцкі турслёт ля Стоўбцаў
    Акрамя таго, на сайце размешчаны дадатковыя матэрыялы пра свята філолагаў у Вязынцы, сустрэчу студэнтаў гістфака з вядомым музыкантам Аляксеем Кортневым, акцыю “Універсітэт – твой крок у будычыню” і іншыя публікацыі.
    Таксама істотна абноўленыя раздзелы “Відэа” і “Спецпраекты”. Не прамініце!

  16. Шаноўнае спадарства, на сайце “Універсітэта” http://www.gazeta.bsu.by з’явіўся новы раздзел “Спецпраекты”, у якім сабраны найбольш цікавыя студэнцкія веткі ў сацыяльных сетках і іншыя медыйныя ініцыятывы БДУ. Гэтым разам прапануем вашай увазе анонсы адукацыйных праграм і праектаў, якія даступныя кожнаму студэнту; сюжэты пра займальныя падарожжы з досведам стажыровак; радыёпраграмму наконт прыёмнай кампаніі ў БДУ, а таксама акцыі группы БДУ супраць спайсу Вконтакте. Акрамя таго, цалкам абноўлены інфаблок “Крос-медыйныя публікацыі”. Не прамініце!

  17. Шаноўнае спадарства, на сайце “Універсітэта” http://www.gazeta.bsu.by з’явілася шмат новых матэрыялаў. Прапануем вашай увазе публікацыі пра вельмі кранальны дабрачынны канцэрт “Казкі з дзяцінства-2”, нарыс пра пазнавальную вандроўку студэнтаў гістфака ў старажытны Пскоў, рэпартаж пра феерычны шоу-конкурс “Містар-журфак”, таксама можна пачытаць інфармацыю пра выдавецкую дзейнасць БДУ і пра абранне ганаровым прафесарам БДУ прэзідэнта Таджыкістана Эмамалі Рахмона. Не прамініце!

  18. Шаноўнае спадарства, на сайце “Універсітэта” http://www.gazeta.bsu.by выкладзены матэрыялы па тэме Чэмпіяната свету па хакеі, які праходзіць зараз у Мінску. Прапануем вашай увазе рэпартаж з інтэрната БДУ № 4, што ў Студэнцкай вёсцы, дзе знаходзіцца адна з фан-зон. Таксама займальны рэпартаж з Мінск-Арэны пра дзейнасць нашых валанцёраў. Тым, хто цікавіцца высокімі тэхналогіямі, раім пачытаць матэрыял пра распрацоўку шматфункцыянальнай ID-карткі для супрацоўнікаў БДУ. Не прамініце!

  19. Шаноўнае спадарства, на сайце “Універсітэта” http://www.gazeta.bsu.by выкладзены матэрыялы пра конкурс графіці медыабібліятэкі БДУ, міжнародны студэнцкі форум “Святло Вялікай Перамогі”, а таксама пра міжнародны студэнцкі семінар-практыкум “Я – валанцёр БДУ!”. Акрамя таго, істотна абноўлены раздзел “Маніторынг”, дзе з’явіліся вынікі конкурсу сайтаў падраздзяленняў БДУ, а таксама даследаванні пра групы БДУ ў сацсетках, валанцёрскую дзейнасць і апытанне замежных студэнтаў наконт вучобы і пражывання ў нашым універсітэце. Не прамініце!

  20. Шаноўнае спадарства, на сайце “Універсітэта” http://www.gazeta.bsu.by можна паглядзець новыя фотагалерэі з святкавання Дня Перамогі ў БДУ і міжнароднага студэнцкага фестывалю хораў “Папараць-кветка”. Акрамя таго, абноўлены раздзелы “Відэа” і “Музыка”. Апошні атрымаў, бадай што, канчатковы выгляд. Раім пабачыць і паслухаць!

  21. Шаноўнае спадарства! На сайце «Універсітэта» http://www.gazeta.bsu.by размешчаны матэрыялы № 7 газеты БДУ, які прысвечаны Дню Перамогі і 70-годдзю вызвалення Беларусі. Сярод іх:
    — Сардэчнае віншаванне рэктара БДУ са святам і знамянальнай датай
    — Успаміны ветэранаў пра змаганне з ворагам
    — Нарыс пра барацьбу падпольшчыкаў
    — Агляд тэматычных універсітэцкіх акцый у сацыяльных сетках.
    Акрамя таго, на сайце пададзена больш падрабязная, у параўнанні з друкаванай версіяй, з дакументальнымі крыніцамі Хроніка ваеннага часу БДУ . Не прамініце!

  22. Шаноўнае спадарства! На сайце “Універсітэта” http://www.gazeta.bsu.by з’явілася вельмі цікавая публікацыя “Беларуская літаратура ў інтэрнеце – гэта не толькі калекцыі рэфератаў”, у якой падаецца падрабязны агляд сеціўных крыніц, звязаных з кніжнай, калялітаратурнай і нават культурніцкай тэматыкай. Акрамя таго, наш новы госць у “БДУ рыфмуе” – малады але ўжо сталы паэт Арцём Кавалеўскі з сваёй паэмай “Шлях не дадому”. Не прамініце!

  23. Рэдакцыя "Універсітэт" says:

    Шаноўнае спадарства, на сайце газеты “Універсітэт” http://www.gazeta.bsu.by размешчаны некалькі новых матэрыялаў. У іх можна прачытаць пра:
    — Адкрыццё ў БДУ цэнтра навуковай творчасці студэнтаў “ФабЛаб”, ядром якога стане ўльтрасучасны прынтар 3D Cubex Trio;
    — Перамогу вучэбнага інтэрнет-выдання Інстытута журналістыкі “Вэб-журналіст” у намінацыі “Мабільны сайт” на прэстыжным ІТ-конкурсе TIBO;
    — Ініцыятывы Совета маладых вучоных БДУ па генерыраванні ідэй, а таксама па вырашэнні праблем грамадскіх органаў і інш.
    Акрамя таго, абноўлены раздзелы “Фотагалерыі” і “Музыка”.

  24. Шаноўнае спадарства, на сайце газеты “Універсітэт” http://www.gazeta.bsu.by размешчаны некалькі новых матэрыялаў. У іх можна прачытаць пра:
    — Больш 30-ці цікавых мерапрыемстваў Тыдня здароўя ў БДУ
    — Адзінаццаць пераможцаў юбілейнага XV Фестываля эстрады
    — Плённы ўдзел БДУ ў міжнародным Гановерскім кірмашы
    — Мультыкультурны конкурс “Міс журфак-2014”
    — “Народны” канцэрт да 35-годдзя хора “Родніцы”
    — Вялікодную выставу “Духоўная кніга” на філфаку.
    Акрамя таго, абноўлены раздзелы “Фотагалерыі” і “Музыка”.

  25. Шаноўнае спадарства, на сайце газеты “Універсітэт” http://www.gazeta.bsu.by створаны новы інфаблок “Крос-медыйныя публікацыі”. У ім сабраны найбольш рэзанансныя матэрыялы, прычым усе яны маюць канвергентны выгляд. Гэта значыць, акрамя самога тэксту публікацыі з абавязковымі здымкамі яны аснашчаны дадатковымі візуальнымі кампанентамі: відэа, падрабязнымі фотарэпартажамі альбо слайдамі. Ацаніце новыя падоходы сучаснай журналістыкі!

  26. Шаноўнае спадарства, адразу падзелімся з усімі ўсцешнай навіной – колькасць наведнікаў абноўленага сайта газеты “Універсітэт” http://www.gazeta.bsu.by перасягнула за 100 чалавек у суткі! Гэта сведчыць пра тое, што нашы намаганні па развіцці вэб-рэсурса даюць плён. Да таго ж патэнцыял сайта яшчэ далёка не вычарпаны. Шмат крэатыўных ідэй неўзабаве будуць рэалізаваны. Далучайцеся да нашай суполкі! Чакаем вашых прапаноў.
    Што тычыцца бягучай дзенасці, на сайце істотна абноўлены раздзелы “Відэа” і “Фотагалерэі”. Сярод самых апошніх найбольш папулярныя матэрыялы пра Дзень кар’еры ў БДУ і Фестываль факультэтаў, пра навуковую школу геамеханікі, а таксама дыскусія па праблеме наркотыкаў. Прычым, трохі раней выкладзеныя матэрыялы пра даследаванні вады на хімічным факультэце і інтэрв’ю з іспанскім прафесарам Гумерсінда Верду хутка “набралі” амаль 200 праглядаў. Не прамініце!

  27. Шаноўнае спадарства, на сайце “Універсітэта” http://www.gazeta.bsu.by выкладзены публікацыі № 6 газеты. Вы можаце даведацца пра:
    — прэс-канферэнцыю рэктара з нагоды пачатку прыёмнай кампаніі ў БДУ,
    — Дзень кар’еры БДУ, які прайшоў упершыню
    — Фестываль факультэтаў БДУ, на якім было шмат новаўвядзенняў
    — 20 узнагарод нашых вучоных на Пецярбургскім тэхнічным кірмашы
    — 4 буйныя кантракты з Інстытутам нафтахіміі Хэйлунцзянскай акадэміі навук
    — праект ФМА ў сферы турызма ў межах праграмы ЮНЕСКА
    — абмеркаванне студэнтамі праблемы распаўсюджання наркатычнага рэчыва – спайса
    — конкурс літаратурнай творчасці “Славянскі калейдаскоп”, прымеркаваны да Дня яднання народаў Беларусі і Расіі і іншыя матэрыялы.
    Акрамя таго, на нашым сайце размешчана шмат дадатковых матэрыялаў, сярод якіх некалькі інтэрв’ю з выбітнымі вучонымі БДУ і замежнымі экспертамі. Дарэчы, самы каментуемы матэрыял “Эвалюцыя ў адукацыі” пра стварэнне падкастынгу на хімфаку набраў каля 450 праглядаў. Далучайцеся да дыскусіі!

Дадаць каментар

Ваш e-mail не будзе апублікаваны. Абавязковыя палі пазначаны *