Беларусь і Кітай будуць сумесна рыхтаваць журналістаў (+вiдэа)

24 Aug, 2015.

kitayskie_deti-1_0+Беларусь і Кітай будуць разам рыхтаваць журналістаў -  пра гэта ішла гаворка ў галоўнай ВНУ Беларусі. З асаблівасцямі падрыхтоўкі прафесіяналаў 19 жніўня пазнаёміліся старшакласнікі з Кітая. За дзесяць дзён амаль паўсотні школьнікаў з Паднябеснай пабывалі на аздараўленні ў Сінявокай і адкрылі для сябе новую Беларусь. У галоўнай ВНУ Беларусі сёння рыхтуюць больш за 2,5 тысячы замежных студэнтаў. Траціна з іх – маладыя людзі з Паднябеснай. Большасць пасля атрымання вышэйшай адукацыі працягвае вучыцца ў аспірантуры і магістратуры. Школьнікі з Кітая тут на экскурсіі, але ўжо пасля першага знаёмства з нашай вядучай ВНУ вырашылі – за вышэйшай адукацыяй прыедуць у Беларусь. IMG_2325 Б’ен Ю Цы, школьніца (Кітай):
Мы пазнаёміліся з беларускай сістэмай адукацыі. Яна вельмі падобная да нашай сістэмы. Ёсць невялікія адрозненні ў працягласці заняткаў і аб'ёме хатняга задання для студэнтаў. Як толькі з'явіцца магчымасць, я абавязкова зноў прыеду сюды і атрымаю тут вышэйшую адукацыю. Спіс спецыяльнасцяў дапоўніла і міжнародная журналістыка. Адукацыйная праграма зрабіла Мінск і правінцыю Хэнань бліжэйшымі. З ініцыятывай рыхтаваць журналістаў сумесна выступіў беларускі бок. Калегі з Кітая падтрымалі.  
Вадзім Рэзнікаў, начальнік упраўлення міжнародных сувязяў Беларускага дзяржаўнага ўніверсітэта:
Яны набіраюць групу ў 20-25 чалавек, якая 2 гады навучаецца па нашых праграмах. Пасля завяршэння двухгадовай падрыхтоўкі яны прыязджаюць да нас. Юныя турысты з Паднябеснай за 10 дзён паспелі адкрыць для сябе новую Беларусь. Раней яна здавалася такой далёкай, а сёння яны знайшлі сабе новых сяброў у дзіцячым цэнтры "Зубраня". Убачылі сталіцу і тую самую беларускую прыроду, пазнаёміліся з нацыянальнай кухняй.
IMG_2369Лу І, школьніца (Кітай):
Я тут знайшла вельмі шмат сяброў. Усе яны вельмі адкрытыя і мілыя. А яшчэ мне спадабаўся Мінск. Ён вельмі адрозніваецца ад таго, як выглядаюць гарады ў Кітаі. Мы паспелі пакаштаваць шмат смачных ласункаў і страў, якіх я раней нідзе і ніколі не каштавала. Свежае паветра Нарачы, натуральнае харчаванне, аздараўленчыя працэдуры, экскурсіі, канцэрты. Праграму для гасцей падрыхтавалі шырокую. І агульную мову знайшлі хутка. У Кітаі такіх аздараўленчых лагераў няма, распавялі дзеці. І для іх усё гэта ў навінку. А яшчэ так шмат у іх з'явілася сяброў, што развітвацца з імі зусім не хочацца.
Гаа Руй Сюэ, школьніца (Кітай):
Першае, што ўразіла нас яшчэ ў аэрапорце, – гэта нерэальна прыгожыя пейзажы. Калі мы пазнаёміліся з беларускімі людзьмі і дзецьмі, то зразумелі, наколькі яны шчыра нам радыя. І, нягледзячы на цяжкасці ў перакладзе, мы змаглі з усімі пасябраваць.

ВІДЭА

стрелкa
print

Вам таксама можа спадабацца:

Дадаць каментар

Ваш e-mail не будзе апублікаваны. Абавязковыя палі пазначаны *