Са снежня 2016 да канца красавіка 2017 у БДУ прайшлі асноўныя пасяджэнні камісій па размеркаванні выпускнікоў, запланаваныя ў адпаведнасці з графікам на 2017 год.
Размеркаванне праходзіла ва ўмовах «двайнога» выпуску.
На сёння размеркавана каля 98 % выпускнікоў першай ступені вышэйшай адукацыі (96 % ужо атрымалі першае месца працы, а 2 % скарысталіся правам на свабоднае працаўладкаванне).
Колькасць выпускнікоў, якія падлягалі размеркаванню: 57 % жаночага і 43 % мужчынскага полу.
Узроставыя катэгорыі выпускнікоў: 20 гадоў і маладзей – 9 %; 21 год – 46%; 22 гады – 39 %; 23 гады – 4 %; 24 гады – 1%; 25 гадоў і старэй – 1%.
Размеркаванне ў першую чаргу ажыццяўлялася ў арганізацыі-замоўцы кадраў, з якімі ўніверсітэт склаў дамовы пра ўзаемадзеянне.
На педагагічную працу размеркавана 13 % выпускнікоў (філфак, гістфак, біяфак, хімфак, геафак, ФФСН, ММФ).
У распараджэнне НАН Беларусі – 4 %.
У СМІ РБ – 4%. Журналістыка «друкаваныя СМІ» – галоўным чынам у рэгіянальныя газеты.
У ПВТ размеркавана 16 % выпускнікоў (ФПМІ, ММФ, РФКТ, фізфак, ФСК).
Асноўны прыток імянных заявак сёлета назіраўся з лютага па красавік.
Тэрміны выбару месца для працаўладкавання розныя. Ёсць студэнты, якія пачынаюць сваю працоўную дзейнасць у перыяд вучобы, ёсць тыя, хто пасля практыкі атрымлівае магчымасць жаданага месца працы, і, адпаведна, тыя, хто да заканчэння апошняга курса не думае пра будучае месца працы і чакае, што прапануюць на выхадзе.
Пры размеркаванні выпускнікоў арганізацыі не падзяляюцца па формах уласнасці. Сёння гэта актуальна. Прыярытэт аддаецца толькі асноўным замоўцам кадраў.
У рэгіёны накіравана 30 % выпускнікоў. 26 выпускнікоў, якія навучаліся на ўмовах мэтавай падрыхтоўкі, атрымаюць накіраванне для працы па спецыяльнасці ў аграгарадкі, малыя гарады і сельскую мясцовасць у адпаведнасці з заключанымі кантрактамі.
Выпускнікі-замежныя грамадзяне, якія навучаліся за кошт сродкаў рэспубліканскага бюджэту, маюць права на атрыманне першага працоўнага месца ў выпадку, калі яны з’яўляюцца грамадзянамі, пастаянна пражываюць у Беларусі.
Размеркаванне ажыццяўляецца ў мэтах сацыяльнай абароны выпускнікоў і для задавальнення патрэб галін эканомікі і сацыяльнай сферы ў спецыялістах, рабочых, служачых.
Паводле інфармацыі ўпраўлення кадраў БДУ
Фота Артура Прупаса
Інфаграфіка Валерыі Бандарчык
