Студэнты БРСМ распавялі школьнікам з Нясвіжа, чым адметная адукацыя ў БДУ [+cлайды]

23 Apr, 2019.

Студэнты БРСМ сустрэліся са школьнікамі Нясвіжа ў межах праекта"Універсітэт – твой крок у будучыню" і распавялі, чым адметная адукацыя ў вядучай вышэйшай установе нашай краіны.

3-дзённая падзея пачалася 11 красавіка ўрачыстым адкрыццём акцыі ў рэктараце БДУ з словамі на дарагу прарэктара па выхаваўчай рабоце і сацыяльных пытаннях Івана Янушэвіча, а таксама першага сакратара Мінскай гарадской арганізацыі БРСМ Сяргея Клішэвіча. Па прыездзе ў Нясвіж студэнтаў віталі ў мясцовай гімназіі, дзе начальнік упраўлення па адукацыі, спорце і турызме райвыканкама Алена Клішэвіч распавяла камандам БДУ пра асноўныя дасягненні Нясвіжскага раёна за апошнія гады.

Пасля адкрыцця каманды адправіліся ва ўстановы адукацыі, у якіх былі праведзены шматлікія трэнінгі, адукацыйныя прэзентацыі і развіццёвыя квесты. Увечар гэтага дня разам з навучэнцамі школ на базе дзіцяча-юнацкай спартыўнай школы алімпійскага рэзерву была праведзена спартакіяда "Мацней! Разам! З БДУ!", у якой прынялі ўдзел 4 каманды ўстаноў агульнай сярэдняй адукацыі Нясвіжа.

Другі дзень адукацыйнага праекта пачаўся з культурнай праграмы. Студэнты БДУ наведалі Нацыянальны музей-запаведнік "Нясвіж" і ўсклалі кветкі да мемарыяла "Ваярам, загінулым у баях за волю нашай Радзімы". 12 красавіка таксама былі праведзены адукацыйныя праграмы ва ўстановах адукацыі Нясвіжскага раёна. Дзень скончыўся ў моладзевым цэнтры горада вячэрняй культурна-забаўляльнай праграмай, падрыхтаванай нашымі студэнтамі.

У завяршальны дзень праекта "Універсітэт – твой крок у будучыню" каманды размеркаваліся па напрамках: праводзілі адкрыты дыялог з школьнікамі-актывістамі, наведвалі гісторыка-краязнаўчы музей, а таксама арганізавалі дабрачынную акцыю "Стань бліжэйшым!" на базе сацыяльных аб'ектаў горада. Урачыстае закрыццё праекта БРСМ БДУ было праведзена ў Доме культуры з удзелам творчых калектываў Беларускага дзяржаўнага ўніверсітэта.Мэта дадзенага праекта – паказаць школьнікам рэгіянальных гарадоў, што вышэйшая адукацыя – гэта ключ да поспеху і далейшага развіцця, гэта тое, да чаго трэба імкнуцца! Спадзяемся, што з многімі школьнікамі давядзецца ўбачыцца зноўку ўвосень ужо ў сценах нашага ўніверсітэта.

Данііл ГАРАБЕЦ
Фота Аляксандры Бажэнавай

 

print

Вам таксама можа спадабацца: