«ПершакурснікFESTival» адгрымеў у БДУ! (+відэа)

29 Sep, 2016.

xzb62hseaga-1 Мора весялосці, радасці, усмешак і выдатнага настрою падарыў фэст сту­дэнцкага жыцця БДУ. Па-свойму першы фэст для першакурснікаў прайшоў настолькі выдатна, што нават рэктар Сяргей Уладзіміравіч Абламейка адзначыў:
«БРСМ БДУ» стварыў настолькі маштабнае мерапрыемства ў самым сэрцы нашага ўніверсітэта, што на маёй памяці падобнае ўпершыню. Упершыню гэтулькі сту­дэнтаў розных факультэтаў сабралася ва ўнутраным дворыку, упершыню гэтулькі радасці і шчасця на іх тварах, гэта вельмі пры­емна і выдатна!»

img_4310

Праграма фэсту была вельмі насычаная. Кожны студэнт мог паспрабаваць сябе ў спартыўных гульнях, пагуляць у футбол, хакей (хоць і настольны), тэніс, паска­каць на батутах, згуляць з сябрам у гольф, бадмінтон, адпачыць у зялёнай зоне дворыка на яркіх пледах, пачаставацца смачнай ежай і напоямі і – куды без гэтага – сфатаграфавацца ў розных фотазонах, падрыхтаваных арганізатарамі.

img_4217 Музычнае суправаджэнне «ПершакурснікFESTival» таксама было вельмі пазітыўнае і выдатна дапоўніла фэст. Хэдлайнерам выступіў Дзядзька Ваня! Асобная частка праграмы была адведзена гэтаму шоумену, што вельмі спа­дабалася нашым студэнтам.

t0upyzqdos4 Важнай часткай фэсту стаў «Адкрыты дыялог», які прайшоў у га­беленавай зале рэктарата БДУ і аб’яднаў меркаванні адміністрацыі і студэнтаў універсітэта.

img_4190 І, вядома ж, галоўнай падзеяй стала моладзевая вечарына БРСМ БДУ ў клубе Dozari! Калі ты не змог пабываць у нас на фэсце, глядзі фота і відэа, а ў наступным годзе прыходзь на «ПершакурснікFESTival» і адчуй на сабе гэту цудоўную атмасферу! Да сустрэчы ў самым сэрцы ўнівера! Іван КЛІЧКОЎСКІ Фота Генадзя КРАСКОЎСКАГА Яшчэ больш фота тут Відэа:

print

Вам таксама можа спадабацца:

Дадаць каментар

Ваш e-mail не будзе апублікаваны. Абавязковыя палі пазначаны *