Інстытут нямецкіх даследванняў БДУ абвяшчае набор у міжнародную летнюю школу «Болей інвестараў і турыстаў? Стан і патэнцыял беларускай эканомікі».
Падчас школы будуць абмяркоўвацца наступныя пытані:
• у якім кірунку развіваецца беларуская эканоміка;
• якія складанасці існуюць для замежных і айчынных інвестараў;
• які патэнцыял маюць асобныя галіны – ад машынабудаўніцтва да турызма.
Асноўныя тэмы школы:
• дзяржаўныя мерапрыемствы па прыватызацыі, лібералізацыі, інавацыях;
• умовы для інвестыцый, сертыфікацыя прадуктаў, рэгуляванне падаткаў;
• досвед нямецка-беларускіх прадпрыемстваў;
• развіццё разнастайных галінаў вытворчасці;
• Беларусь пасля Чэмпіяната свету па хакеі.
У праграму школы ўваходзяць экскурсіі, семінары, круглыя сталы з экспертамі, а таксама культурная праграма і дыялог паміж нямецкімі і беларускімі ўдзельнікамі.
Працоўныя мовы школы: нямецкая, ангельская.
Час правядзення школы: – 10-24 жніўня 2014.
Кошт удзелу: каля 550.000 беларускіх рублёў.
Унёсак пакрывае ўдзел у семінарах, экскурсіях, культурную праграму, а таксама харчаванне (абед).
Іншагароднія ўдзельнікі размяшчаюцца ў інтэрнаце.
Заяўка:
Зацікаўленыя кандыдаты мусяць запоўніць анлайн-фармуляр, таксама далучыць жыццярыс і матывацыйны ліст.
Дэдлайн — 25 чэрвеня 2014.
Больш падрабязную інфармацыю можна знайсці на сайце Інстытута нямецкіх даследванняў БДУ www.bsu.by/ifd
Пытанні можна дасылаць на скрыню ifd@bsu.by, тэл. 8 017 209 59 90
