Свята ўсіх друкаваных сродкаў масавай інфармацыі адзначаецца ў Беларусі 5 мая

5 мая, 2015.

День печати бгу

Характэрна, што 5 мая гэты дзень святкуецца выключна ў Беларусі і нідзе больш у свеце.

Гэтая дата вядзе сваю гісторыю ад першага выхаду ленінскай «Правды» ў 1912 годзе. Хоць беларускі друк мае значна больш глыбокія карані і нямала знамянальных дат. Напрыклад, 6 жніўня 1517 г Францыск Скарына выдаў у Празе сваю першую кнігу. У 19 стагоддзі былі першыя спробы выпускаць перыядычныя выданні на беларускай мове — у 1861-1862 гадах выйшла 4 нумары газеты «Гутарка двох суседоў», у 1862-1863 выдаваліся «Гутарка» і «Мужыцкая праўда» (7 нумароў). У пачатку 20 стагоддзя з’явіліся першыя рэгулярныя беларускія газеты — “Наша доля» і «Наша ніва». Але, нягледзячы на ​​гэта, афіцыйным святам для беларускага друку па-ранейшаму застаецца дзень выхаду ў свет газеты “Правда” …

 

Цікавы факт: 5 мая 1581 года на Валыні, у Астрожскай друкарні Івана Фёдарава, выйшаў post-17000-1342423590каляндар Андрэя Рымша «Храналогія» на старабеларускай мове. Да кожнага месяцу былі надрукаваныя вершы — першае асобнае паэтычнае выданне. Гэта быў таксама першы друкаваны каляндар славян. Таксама нагадаем, што 3 мая адзначаецца Міжнародны дзень свабоды друку. Таму ў Беларусі ва ўсіх людзей, звязаных з друкаваным і выдавецкім рамяством, на пачатку мая ёсць аж два святы!

 

Ад рэдакцыi газеты “Унiверсiтэт”: Вiншуем калег з прафесiйным святам! Поспехаў на нялёгкiм творчым шляху! )

print

Вам таксама можа спадабацца: