І за вялікія грошы не купіш

15 Mar, 2016.

???????????????????????????????????? Абнаўленне Дошкі гонару БДУ адбылося 23 лютага каля галоўнага корпуса. Ва ўрачыстай цырымоніі пры­нялі ўдзел рэктар БДУ ака­дэмік Сяргей Абламейка, прад­стаўнікі адміністрацыі, фа­куль­­тэтаў, выкладчыкі і студэнты. Ужо шэсць гадоў на Дошку го­нару заносяцца імёны і фатаграфіі супрацоўнікаў і навучэнцаў БДУ. Сёлета ўшанаваны 32 супрацоўнікі і 32 навучэнцы за заслугі і да­сягненні ў адукацыйнай, навуковай, метадычнай, інавацыйнай, кіраўніцкай і спартыўнай дзейнасці па выніках 2015 г. IMG_1451+ У асноўным, навучэнцы, якія трапляюць на Дошку гонару, – гэта студэнты апошніх (4–5 курсаў). Аднак ёсць і выключэнні.
Напрыклад, Улад Макарэвіч, студэнт 3 курса спецыяльнасці эканамічная інфар­матыка з эканамічнага факультэта.ph_720373 Улад адзначаны за актыўны ўдзел у жыцці і факультэта і ўні­версітэта. Яшчэ ён добра вучыцца: сярэдні бал 9,8. Ён прызнаецца, што вучоба ў БДУ – гэта цікава. «У цэлым, вучоба ў БДУ мне падабаецца, і я зрабіў правільны выбар, калі паступаў сюды. Яна дае магчымасці як у грамадскай, так і ў навуковай дзей­насці. Разумею, што адкрываю для сябе нешта новае з розных бакоў. Напрыклад, у навуцы я зацікавіўся тэмай інфармацыйнай бяспекі банкаўскіх сістэм. У будучыні быў бы рады працаваць як эканамістам, так і ў сферы ІТ-тэхналогій».
DSC_3693 ОТКРЫТИЕ_новый размер Студэнт таксама падзяліўся сваімі пачуццямі ад навіны. «Калі ты на Дошцы гонару, то гэта значнае дасягненне. Я памятаю, што калі толькі прыйшоў падаваць дакументы ў БДУ, убачыў Дошку гонару і адразу сказаў маме, што абяцаю з’явіцца на ёй. Цяпер новае становішча мяне абавязвае. Ты робішся прыкладам для пераймання. І для абітурыентаў, якія прыйдуць паступаць і ўбачаць цябе. Даведаюцца, чым ты займа­ешся, і захочуць таксама, а можа, нават зрабіць больш». Улад пажадаў усім студэнтам поспехаў у іх пачынаннях. «Галоўнае, каб вашыя мары спраўджваліся. Бо калі ты сабе паставіў мэту, то трэба ісці да яе. Не азіраючыся ні на якія няўдачы». Сярод супрацоўнікаў БДУ, якія трапілі ў гэтым годзе на Дошку гонару, ёсць дэканы факультэтаў, загадчыкі кафедраў, старшыя выкладчыкі. IMG_1460
Дзмітрый Ушакоў, дацэнт факультэта радыёфізікі і камп’ю­тар­ных тэхналогій – таксама ў гэтым шэрагу.ph_720553 «Вельмі прыемна, што ўнівер­сітэт шануе не толькі студэнтаў, але і сваіх выкладчыкаў. Гэта цудоўная традыцыя: кожны год на гэтую дошку трапляюць годныя людзі. Я ва ўніверсітэце больш за 20 гадоў. І гэта належная ацэнка маёй дзейнасці». Таксама Дзмітрый Уладзіміравіч пажадаў любіць сваю працу. «Трэба працаваць на карысць універсітэта, на карысць краіны і рабіць сваю працу добра. Так, каб табой ганарыліся».
IMG_1467
2015 быў адметны для БДУ адкрыццямі ў сферы біятэхналогій. Адзін са студэнтаў, Валянцін Натараў, пяцікурснік хімічнага факультэта, распавёў, што з’явіўся на Дошцы гонару за навучальную, даследчую працу і грамадскую дзейнасць.ph_720363 «Тэматыка нашай кафедры ў асноўным сканцэнтравана на тэме бія- і нанатэхналогій. Напрыклад, прымяненне магнітных наначасціц для дыягностыкі і лячэння злаякасных пухлін. У прынцыпе, гэта адзін з прыярытэтных напрамкаў дасле­даванняў у сучасным свеце». Валянцін распавёў, як успрыняў навіну аб занясенні на Дошку го­нару. «Нашы выкладчыкі, супрацоўнікі кафедры віншуюць мяне. Гэта вялікі гонар, бо, мабыць, толькі аднаму студэнту з усяго факультэта раз у год дастаецца такая ўзнага­рода». Валянцін плануе паступіць у магістратуру БДУ і працягваць уласныя даследаванні.
DSC_3811 ДОСКА ПОЧЕТА_новый размерРэктар БДУ акадэмік Сяргей Абламейка распавёў пра важнасць мерапрыемства: «Падтрымка бывае розная: маральная і матэрыяльная. Калі мы шэсць гадоў таму адрадзілі Дошку гонару БДУ, людзям гэта вельмі спадабалася. Я ведаю, як факультэты змагаюцца за сваіх су­пра­цоўнікаў і вылучаюць прапановы на Дошку гонару. Людзям вельмі прыемна бачыць свае фатаграфіі цэлы год у дворыку галоўнага корпуса. Іх бачаць усе. Гэта адна з формаў маральнага заахвочвання найлепшых людзей нашага ўні­версітэта. Акрамя таго, ёсць граматы, падзякі. А таксама званне заслужанага работніка БДУ. Добрая сістэма працуе». Пабачыць усіх ушанаваных асоб можна і на сайце www.bsu.by ва ўкладцы «Імі ганарыцца ўніверсітэт». Фаіна НАКАНЕЧНАЯ
print

Вам таксама можа спадабацца:

Дадаць каментар

Ваш e-mail не будзе апублікаваны. Абавязковыя палі пазначаны *