17 лютага 2016 г. адбылася сустрэча студэнтаў БДУ з прадстаўнікамі РМГА “Ліга добраахвотнай працы моладзі”, арганізатарам якой выступіла Пярвічная прафсаюзная арганізацыя студэнтаў БДУ.
18 лютага ліга адсвяткавала сваё 22-годдзе. Арыфметыка дзейнасці гэтай грамадскай арганізацыі досыць вялікая: кожны год у праектах бярэ ўдзел больш за 5000 маладых людзей. Папулярнасцю карыстаецца педагагічны атрад “РЕSПУБЛІКА” – выдатны варыянт для тых, хто зноў хоча акунуцца ў непаўторную атмасферу дзіцячых лагераў з наймацнейшымі пазітыўнымі эмоцыямі, масай прыемных сустрэч і вельмі карысным досведам.
Карыстаюцца папулярнасцю і сацыяльныя экалагічныя атрады ў еўрапейскіх краінах. Праграмы двухбаковага добраахвотніцкага абмену ў дадзенай сферы працуюць ужо шмат гадоў. Энтузіясты і добраахвотнікі праводзяць там год, выконваючы свае абавязкі і вынікаючы місіі.
Геаграфія дзейнасці арганізацыі вялікая – практычна любая краіна можа стаць месцам працаўладкавання і летняга адпачынку для моладзі. Выключэнні складаюць ЗША і Канада. Варыянты занятасці таксама розныя: кожны зможа знайсці штосьці для сябе.
У арганізацыі вельмі шмат розных кірункаў працы – выбар сапраўды ёсць. Натуральна, што адразу ўзнікае шмат арганізацыйных пытанняў: пражыванне, харчаванне, гарантыі і бяспека. Але і тут усё празрыста: ніхто не кіне ўдзельнікаў на волю лёсу ў незнаёмае месца. Для гэтага ліга рэгулярна праводзіць дні адчыненых дзвярэй, дзе арганізатары не толькі тлумачаць асаблівасці і нюансы праектаў, але і дзеляцца асабістым досведам.
Стаць удзельнікам і валанцёрам Рэспубліканскай грамадскай арганізацыі “Ліга добраахвотнай працы моладзі” досыць проста: неабходна падзяляць мэты арганізацыі і быць актыўным і ініцыятыўным.
Чаму ж арганізацыя такая папулярная сярод моладзі? Верагодна, магчымасць зарабіць, убачыць свет і атрымаць унікальны досвед, неверагодныя адчуванні і карысныя знаёмствы робяць сваю справу. Не даводзіцца даваць абяцанні і тлумачыць карыснасць дадзеных паездак: аповеды людзей, якія ўжо супрацоўнічалі з лігай, і рэалізаваныя праекты красамоўнейшыя. Трэба толькі вырашыць, чаго мы хочам ад гэтага лета і ў якой краіне хочам пабываць – усё астатняе дапамогуць арганізаваць.
Чаму б не паспрабаваць штосьці новае і не зрабіць лета–2016 не толькі асаблівым, але і карысным!
Надзея КРАЎЧУК
Фота Марыі ДУБАВЕЦ
Яшчэ больш фота тут
УВАГА, СТУДЭНТЫ БДУ!
Адмыслова для Вас ёсць унікальная магчымасць даведацца пра дзейнасць арганізацыі РМГА “Ліга добраахвотнай працы моладзі”! Як ярка, весела і з карысцю правесці лета–2016!
Вы даведаецеся пра прапанаваныя праекты і праграмы, добраахвотніцкія, моладзевыя лагеры, педагагічныя і іншыя атрады!
Сустрэча студэнтаў БДУ з прадстаўнікамі РМГА “Ліга добраахвотнай працы моладзі” пройдзе 17 лютага 2016 г. у 16:00.
БДУ, факультэт міжнародных адносін, аўд. № 1202
Паспяшаецеся! Прыём заявак у студэнцкі педагагічны атрад “RESПУБЛІКА” ўжо пачаўся!
Запрашаем і вельмі чакаем усіх на сустрэчы!
Падрабязная інфармацыя па спасылках:
https://vk.com/lyvs_bn
https://vk.com/club25235163
http://www.lyvs.bn.by/
Прафкам студэнтаў БДУ)
17 лютага 2016 г. адбылася сустрэча студэнтаў БДУ з прадстаўнікамі РМГА “Ліга добраахвотнай працы моладзі”. Арганізатарам сустрэчы выступіла Пярвічная прафсаюзная арганізацыя студэнтаў БДУ.
Мы спадзяёмся, што вы ўжо знайшлі штосьці для сябе. Вам трэба толькі вырашыць, чаго вы чакаеце ад гэтага лета і ў якой краіне хочаце пабываць – усё астатняе вам дапамогуць арганізаваць.
Хай лета–2016 будзе не толькі асаблівым, але і карысным!
Прафкам студэнтаў БДУ
http://vk.com/album-1322456_228483511
Сустрэча з РМГА “Ліга да..
25
Фатограф: Марыя Дубавец
