Як быць з вопытам працы? (+відэа)

15 Apr, 2016.

Копия IMG_4099 30 сакавіка ў галоўным корпусе БДУ адбыўся Дзень кар’еры. Свае стэнды прадставілі каля 20 кампаній у транспартна-лагістычнай, банкаўскай, юрыдычнай і IT сферах. Тут студэнты маглі дамовіцца з працадаў­цамі наконт месца праходжання практыкі, стажы­роўкі, даведацца больш пра палітыку кампаніі і г. д. У праграме мерапрыемства была прадугледжана прэзентацыя сайта для наву­чэнцаў/выпускнікоў БДУ «CV.BSU.BY». Праект быў запушчаны на базе факультэта радыёфізікі і камп’ютарных тэхналогій. Пакуль свае рэзюмэ там могуць размясціць толькі студэнты/выпускнікі факультэтаў ме­­ха­ніка-матэматычнага, фізічнага і радыё­фізікі і электронікі. Паступова да праекта будуць далучацца і іншыя факультэты. Для студэнтаў былі арганізаваны майстар-класы па напісанні рэзюмэ, паспяховым прахо­- ­д­жанні сумоўя, адаптацыі і інш. IMG_4113 Кацярына Ліхтаровіч, PR-менеджар кампаніі «Работа TUT.BY»: – Найбольшую складанасць пры напісанні рэзюмэ ў студэнтаў выклікае частка, дзе трэба пазначыць вопыт працы. Але не спяшайцеся ставіць прочырк – гэта самае горшае, што вы можаце зрабіць. Пастарайцеся ўспомніць, магчыма, вы пісалі курсавую, дзе фігуравала назва кампаніі, у якую вы працаўладкоўваецеся. Будзе не лішнім пазначыць вопыт фрылансу, прыкласці рэкамендацыі з мінулага месца працы (нават калі гэта была падпрацоўка не па спецыяльнасці). Прыводзьце рэальныя лічбы, напрыклад, я падрыхтавала 10 пуб­лікацый на пэўную тэму і г. д. Абавязкова адсочвайце напаўненне вашай асабістай старонкі ў сацыяльных сетках. Навошта гэта рабіць? Сучасныя працадаўцы амаль заўсёды праглядваюць «профіль» прэтэндэнта на пасаду. Бывалі выпадкі, калі чалавека ўжо збіраліся афармляць у штат, а з-за такой дробязі ў апошні момант адмаўлялі. Копия IMG_4107 Максім Акуленка, спецыяліст па наборы кадраў у кампаніі Ernst&Young: – Штогод мы набіраем каля 60 студэнтаў-стажораў. Практыка апошніх 4 гадоў паказвае, што працэнтаў 70 з іх запрашаюцца да далейшага супрацоўніцтва. Адбор канды­датаў на месца стажора ў нашай кампаніі адбываецца наступным чынам: вы пакідаеце заяўку на нашым сайце і атрымліваеце запрашэнне на тэсціраванне. Праводзіцца маніторынг вашых ведаў у сферы бухгалтарскага ўліку, ацэньваецца ўзровень ведання англійскай мовы, уважлівасць пры працы з лічбамі. Паспяхова справіліся з заданнямі – прымаецеся ў каманду стажораў. Далей вы праходзіце тыднёвы інтэнсіўны трэнінг, дзе вас знаёмяць з простымі аўдытарскімі працэдурамі, расказваюць пра палітыку кампаніі і г. д. Пасля навучання стажоры на рэальных праектах адточваюць атрыманыя веды. Стажыроўка доўжыцца тры месяцы. Удзельнікі атрым­ліваюць стыпендыю (каля двух мільёнаў), плюс дзейнічае бонусная праграма. Акрамя стажорства мы прапануем студэнтам прайсці ў нас практыку. Сярэдні ўзрост нашага калектыву – 25 гадоў, таму камуніка­тыўнага бар’еру ніякага быць не можа. Усё падкажам, навучым, а можа, яшчэ і на працу возьмем. IMG_4093 Таццяна Аксюцік, кансультант аддзела кадраў у транспартна-лагістычнай кампаніі AsstrA: – Мы прымаем студэнтаў усіх курсаў на практыку, час ад часу арганізуем стажы­роўкі. Для студэнтаў 5 курса ў нас ёсць вакантная пасада асістэнта-экспедытара. Галоўнае патрабаванне – свабоднае валоданне англійскай мовай. Гэта неблагі старт, таму спрабуйце. Таццяна Сякацкая, студэнтка факуль­тэта міжнародных адносінаў БДУ: – Я кожны год імкнуся наведваць падобныя мерапрыемствы ў спадзяванні прыкме­ціць нешта цікавае для сябе. Але мяне як прадстаўніцу гуманітарнай спецыяльнасці не задавальняе той набор прапаноў. Ну, дапусцім, МТБанк запрашае на пасаду кансультанта ў кантакт-цэнтр, дзе-нідзе праскокваюць вакансіі, звязаныя з PR – і ўсё. Трэба пашыраць колькасць прадстаўленых кампаній і старацца адпавядаць інтарэсам студэнтаў розных спецыяльнасцяў. Увогуле, тыя студэнты, якія не палена­валіся пацікавіцца вакансіямі, у любым выпадку займелі для сябе пэўнае разуменне пра патрэбныя якасці і навыкі, а таксама атрымалі арыенціры на рынку працы. Калі ж колькасць такіх матываваных студэнтаў будзе расці, то мерапрыемствам заціка­віцца яшчэ большая колькасць кампаній. Хацелася б, каб гэта заканамернасць пац­вер­дзілася ўжо на наступным Дні кар’еры. Да хуткіх сустрэч! Алена ЯКАВЕНКА Яшчэ больш фота тут: Відэа:
print

Вам таксама можа спадабацца:

Дадаць каментар

Ваш e-mail не будзе апублікаваны. Абавязковыя палі пазначаны *