Баль адбудзецца 3 верасня ў 13.30 ля Мінскай гарадской ратушы.
Спадарства, аб’яўляецца конкурс на пошук двайніка вялікага кампазітара Беларусі!
Станіслаў Манюшка – кампазітар, аўтар песень, балетаў, опер; творца нацыянальнай оперы, класік вакальнай лірыкі – знакаміты ў свеце мінчук 19 стагоддзя, якога за талент называюць беларускім Моцартам.
І мы верым, што не можа таго быць, каб сярод сучаснікаў не знайшлося аніводнага чалавека, падобнага знешне на выбітнага музыку. Што трэба рабіць? Проста паглядзець на сябе ў люстэрка (канешне, спачатку на Манюшку, каб узгадаць яго вобраз), знайсці знешняе падабенства з ім, сфатаграфавацца і даслаць нам фотаздымкі без рэтушы на электронную скрыню: info@viapol.by
Пераможца конкурсу будзе абвешчаны 2 верасня 2016 года, а ў Дзень горада прыме ўдзел у святочным адкрыцці помніка С.Манюшку і В.Дуніну-Марцінкевічу і затым разам з Музычным Домам «Класіка» распачне баль у гонар кампазітара ля Ратушы ў 13.30.
Але, самае галоўнае, што ў падарунак пераможца атрымае 2-х дзённы тур «Ліда-Гродна-Каробчыцы» на 2 персоны ад Турыстычнай кампаніі «Віаполь». У тур уваходзяць сняданкі і абеды, экскурсіі, транспарт, ноч у гатэлі і найцікавейшыя гісторыі экскурсавода.
Падрабязнасці конкурса можна знайсці на сайце www.viapol.by
Конкурс на пошук двайніка распачаты!
Для даведкі:
Межы правядзення конкурса: 26.08.2016 – 02.09.2016
Канчатковае рашэнне па конкурсе прымае кампетэнтнае журы 2 верасня 2016 года.
У складзе журы: Віктар Скарабагатаў (заслужаны артыст Рэспублікі Беларусь, прафесар, стваральнік мастацкага калектыва «Беларуская капэла»), Аляксандр Чахоўскі (імпрэсарыо, заснавальнік і кіраўнік Музычнага Дома «Класіка»), Глеб Лабадзенка (журналіст, даследнік), Галіна Патаева (кандыдат геаграфічных навук, дырэктар турыстычнай кампаніі «Віаполь»), Алена Радзіонава (мастацкі кіраўнік дзяржаўнай установы «Мінскканцэрт»).
Галоўны прыз – 2-х дзённы тур «Ліда-Гродна-Каробчыцы» на 2 персоны ад Турыстычнай кампаніі «Віаполь». У тур ўваходзяць сняданкі і абеды, экскурсіі, транспарт, ноч у гатэлі і найцікавейшыя гісторыі экскурсавода.
Нагадваем, пераможца конкурсу будзе абвешчаны 2 верасня 2016 года, а ў Дзень горада, 3 верасня, пасля святочнага адкрыцця помніка С.Манюшку і В.Дуніну-Марцінкевічу ў 13.30, найбольш падобны двайнік Станіслава Манюшкі распачне святочны баль у гонар вялікага музыкі, які ладзіць Музычны Дом «Класіка». Гэта будзе незабыўнае свята ў стылі 19 стагоддзя з удзелам вядомых персанажаў таго часу і з танцамі выключна пад музыку кампазітара. Дарэчы, гледачы змогуць далучыцца і разам з героямі балю станчыць вальс і паланез.
Да таго ж, пасля імпрэзы экскурсавод туркампаніі «Віаполь» правядзе гадзінную экскурсію для ўсіх жадаючых.
За дадатковай інфармацыяй звяртайцеся да:
Кладава Вольга, т. 8029-2-366-166, olga.muzzicdom@gmail.com
