Якія ініцыятывы сталі найлепшымі ў БДУ? Падведзены вынікі конкурсу “Найлепшы моладзевы праект БДУ” [+cлайды]

21 Dec, 2018.

Падведзены вынікі штогадовага конкурсу УВРМ "Найлепшы моладзевы праект БДУ". За 10 гадоў правядзення конкурсу было пададзена 165 заявак, а 41 праект па выніках абароны стаў пераможцам ці лаўрэатам. Удзельнікамі конкурсу могуць быць студэнты БДУ дзённай формы навучання і навучэнцы юрыдычнага каледжа.

4 і 5 снежня на геаграфічным факультэце прайшоў заключны этап конкурсу: студэнты абаранялі свае праекты перад журы. Экспертная камісія заслухала выступленні 28 каманд, якія дашлі да заключнай стадыі спаборніцтва. Для актыўных студэнтаў УВРМ правёў майстар-клас "Мая ідэя – частка БДУ", спікерамі ў якім выступілі пераможцы мінулых гадоў: Аліна Дуціна ("Капуснік БДУ"), Філіп Румак ("Школа куратараў"), Іван Жукаў (творчая студыя MiM-BSU). Яны падзяліліся досведам у рэалізацыі і прасоўванні сваіх праектаў, адказалі на пытанні.

Праекты, якія ўдзельнічаюць у конкурсе, накіраваны на развіццё студэнцкага жыцця ў БДУ. За кожнай камандай замацоўваецца супрацоўнік-куратар, які накіроўвае і дапамагае камандзе. Ініцыятывы могуць атрымаць значную фінансавую падтрымку, а пры паспяховай рэалізацыі на працягу года – стаць пераможцам конкурсу. Практычна ўсе праекты дасягнулі пастаўленых летась мэт.

Агульная сума гранта на ўсе праекты ─ 7500 рублёў. "Хочацца адзначыць, што камерцыйныя праекты, накіраваныя на ідэю, якая не мае актуальнасці для універсітэта, не падтрымліваюцца. Аднак падтрымка аказваецца і без фінансавання, таму што універсітэт ─ гэта вялікая структура, у ім ёсць праектары, фотаапараты, аўдыторыі і людзі, якія гатовыя дапамагчы, усё гэта мы прадстаўляем бясплатна ў рамках конкурсу. Калі ідэя добрая і трэба нешта дакупіць, мы падтрымліваем фінансава" - дзеліцца Наталля Ярашэвіч, начальнік аддзела моладзевых праграм і праектаў УВРМ.

Пераможцы ў намінацыі "Універсітэт"

Гран-пры ўзяў праект факультэта міжнародных адносін "Мадэляванне ААН на ФМА БДУ".

"FIRMUN не падвядзе і будзе існаваць і далей, даючы карысць факультэту, універсітэту і Беларусі ў цэлым!" – адрэагаваў праект на перамогу. Каля 110 студэнтаў, магістрантаў прымерылі на сябе ролі міністраў замежных спраў, дыпламатаў і палітолагаў. Удзельнікі прынялі рэзалюцыі, адна з якіх была прысвечана рэформе Савета Бяспекі. Дарэчы, усе прапановы будуць накіраваны на адрас сапраўднай штаб-кватэры ААН у Будапешце. "Для нас гэта вельмі цікава, таму што па сутнасці ідзе падрыхтоўка студэнтаў да міратворчай дзейнасці, яны акунаюцца ў складаныя міжнародныя праблемы, спрабуюць іх вырашыць", – сказаў на адкрыцці праекта дэпутат Палаты прадстаўнікоў Нацыянальнага сходу Рэспублікі Беларусь Максім Місько.

Першае месца ў намінацыі "Універсітэт" заняў праект "Зялёны ўніверсітэт".

Мэта праекта – універсітэт, у якім прасунутая, экалагічна пісьменная моладзь асобна збірае смецце, эканоміць ваду і электрычнасць, імкнецца да нулявых адходаў і цікавіцца, як зрабіць сваё жыццё зелянейшым. Цяпер у праекце дзевяць факультэтаў БДУ, сярод якіх філалагічны, радыёфізікі і камп’ютарных тэхналогій, прыкладной матэматыкі і інфарматыкі, эканамічны і іншыя. "Мы ўдзячныя ўсім, хто высока ацаніў наш праект, у нашых планах зараз развівацца далей і ўдасканальвацца", – падзякавалі арганізатары праекта.

Аб стварэнні праекта распавяла кіраўнік Алеся Смяховіч: "На навучанні" Экастарт "у Цэнтры экалагічных рашэнняў з'явілася маленькая каманда неабыякавых да экалагічнай тэмы з БДУ. Падчас стажыроўкі ў Германіі я ўбачыла, наколькі там развітая экалагічнае мысленне - сартаванне смецця, беражлівыя адносіны да рэсурсаў. І ў мяне з'явілася жаданне павышаць экалагічную усвядомленасць ва ўніверсітэце. Мы першапачаткова хацелі арганізаваць раздзельны збор смецця ў БДУ, гэтую тэму прапрацоўвалі з прарэктарам, закупку і ўстаноўку ўзяла на сябе адміністрацыя. Мы ўсталявалі кантэйнеры для паасобнага збору смецця на ФМА. Такая ж мэта была і ў другога праекта з такой жа назвай "Зялёны універсітэт" на чале з супрацоўнікам БДУ Антонам Антонавым, ён і ўзяў на сябе гэтую частку, а мы больш заняліся асветай і арганізацыяй мерапрыемстваў.

 За год правялі каля 30 мерапрыемстваў. Праводзілі эка-чэлендж, дзе давалі абяцанні на 2018-ы. Глядзелі фільм "Пластыкавы акіян" на факультэтах з экспертам па сартаванні адходаў з Цэнтра экалагічных рашэнняў Наталляй Блышчык. Яна прынесла слоік прыбярэжнай вады з абломкамі, пластыкам, смеццем, каб паказаць, што гэтая праблема тычыцца і нас. "Зялёны універсітэт" уяўляў БДУ на міжнародным конкурсе эка-ініцыятыў "ВузЭкоФесте". Ідэя ў тым, што да нас далучаюцца актывісты, арганізоўваюць эка-мерапрыемствы на сваім факультэце, а мы ім у гэтым дапамагаем".

Другое месца заняла "Адукацыйная праграма падтрымкі і навучання студэнцкага актыву Студэнцкага гарадка БДУ "Ведай больш – будзь лепшым" (Студэнцкі гарадок БДУ). Праект арганізоўвае трэнінгі і спецыялізаваныя сустрэчы: напрыклад, "Барацьба характараў" у красавіку пазнаёміла студэнтаў з методыкай вырашэння канфліктных сітуацый і наладжвання сацыяльных і дыпламатычных адносін у калектыве. А згуляўшы ў "Форум-тэатры", можна было праз прайграванне сітуацыі "вырашыць" сваю праблему і адпрацаваць свае рэакцыі.

Трэцяе месца падзялілі "Школа валанцёраў БДУ" і праект "Бітва дызайнераў".          

"Школа валанцёраў БДУ" ─ 5-тыднёвы курс навучання студэнтаў, у які ўваходзяць тэматычныя лекцыі, трэнінгі па аратарскім майстэрстве, майстар-класы і абмен вопытам са студэнтамі і выпускнікамі БДУ. Гэта стварэнне ўласных валанцёрскіх праектаў. А таксама валанцёрства на Дні Перамогі ў БДУ, выязная акцыя ў Рэспубліканскі рэабілітацыйны цэнтр для дзяцей-інвалідаў; ўдзел у рэспубліканскай акцыі «Аднаўленне святынь Беларусі» у аг. Гатава; спартовае валанцёрства з удзельнікамі праекта на велакарнавале "VivaRovar".

 "Выдатна, што студэнты разумеюць: для валанцёрства неабходна падрыхтоўка і псіхалагічная, і лідэрскія, і інфармацыйная - як і каму дапамагчы. Праект таксама распавядае, у чым плюсы быць валанцёрам БДУ, а іх вельмі шмат", - каментуе Наталля Ярашэвіч.

"Бітва дызайнераў" ─ праект упраўлення па справах культуры і творчага саюза БДУ. Яго стварылі выпускнікі БДУ Валерыя Казлова і Уладзіслаў Макарэвіч, конкурс накіраваны на далучэнне студэнтаў да працы ў галіне графічнага дызайну. "Мы нацэленыя раскрыць і дапамагчы развіць таленты!" – заяўляюць арганізатары. У конкурсе ўдзельнічаюць студэнты не толькі БДУ, але і іншых ВНУ, і нават школьнікі. А для ўсіх ахвотнікаў праходзяць адкрытыя лекцыі па дызайне і арганізацыі мерапрыемстваў.

Найлепшыя праекты ў намінацыі "Факультэт"

Першае месца заняў "Студэнцкі турнір прыродазнаўчанавуковых дысцыплін" (хімічны факультэт). Навуковы турнір Sciteen – штогадовае каманднае спаборніцтва для студэнтаў прыродазнаўчанавуковых, медыцынскіх і інжынерных спецыяльнасцяў. Удзельнікі абараняюць свае ідэі рашэння задач і палемізуюць з супернікамі. Гэта і адукацыйны праект, закліканы прыцягнуць студэнтаў у рашэнне прыкладных задач і распрацоўку інавацыйных праектаў, важных для вытворчасці і грамадства. Удзельнікі робяць свой унёсак у рашэнне актуальнай праблемы, а яшчэ і ўдасканальваюць навыкі вядзення навуковай палемікі.

Ініцыятыва хімічнага факультэта "Экастыль БДУ" заняла другое месца.

Актыўныя студэнты праекта стварылі на хімфаку спецыяльную "зялёную зону" спакою і прымірэння. На факультэце праект арганізоўвае экафлэшмобы, фарміруе экалагічнае мысленне і звычкі здаровага ладу жыцця ў студэнтаў, праводзяць майстар-класы і воркшопы на тэму экалогіі. Актыўнасць праекта выходзіць далёка за межы ўніверсітэта: студэнты ездзілі акультурваць сядзібу Бохвіцаў, Нясвіж, Дзятлава.

Трэцяе месца ў "Асветніцкага лекторыя" Інстытута тэалогіі імя св. Мяфодзія і Кірыла. Лектарская група інстытута наведвае школы, гімназіі, нядзельныя школы краіны, якія клапоцяцца пра духоўна-маральнае выхаванне навучэнцаў. Студэнты і магістранты распавядаюць пра сэнс жыцця, святыні Беларусі, прыпавесці, праваслаўных святах. Для лектараў праводзяць майстар-класы па прамоўніцкім майстэрстве.

Праект філалагічнага факультэта "Філфак дзецям" прысуджана намінацыя "За ўнёсак у развіццё добраахвотніцкага руху БДУ".

Валанцёры кожны дзень ездзяць у дзіцячую вёску ў Бараўлянах і дапамагаюць дзецям з хатнімі заданнямі і ў развіцці іх творчых здольнасцяў. Мэта – не толькі навучыць, але і дапамагчы зразумець, што вучыцца і развівацца – гэта не сумна, а цікава і весела.

"Па балах філфак не дацягваў -  у рэйтынг уваходзяць балы за публікацыі ў сацсетках. Аднак па этыцы нельга фатаграфаваць хворых дзяцей, і такім чынам паказаць вынікі працы праект не меў магчымасці. Кіраунік праекту Аляксандра Таранчанка на абароне сказала, што яна не хацела нават цішком сфатаграфаваць працэс іх заняткаў, паколькі праекту вельмі дорага стаўленне дзяцей і кіраўніцтва, і ніякі конкурс не можа прымусіць іх пайсці супраць чалавечых нормаў. Гэтая сіла чалавечнасці і разумення таго, што каштоўна, прабіла наскрозь кожнага члена журы. Валанцёры робяць вялікую працу, таму іх хацелася вылучыць - так і атрымалася спецыальныя намінацыя", - кажа Наталля Ярашэвіч.

Калі ты хочаш паспрабаваць сябе ў ролі выкладчыка, дапамагчы дзецям павысіць іх узровень ведаў і атрымаць цікавы досвед, далучайся да праекта!

А 18–19 снежня на геафаку прэзентавалі 42 праекты ўжо на 2019 год, з якіх журы адбярэ найлепшыя. Па выніках дзейнасці яны фпрымуць удзел у конкурсе "Найлепшы моладзевы праект БДУ". Выдатна, што ў Беларускім дзяржаўным універсітэце такія ініцыятыўныя і творчыя студэнты!

Надзея МАРХЕЛЬ

print

Вам таксама можа спадабацца: