Блiны, баранкi, абдыманкi: масленіца ў БДУ атрымалася! (+відэа)

27 Feb, 2015.

 

масленица бгу занкович

Студэнты БДУ ў пятнiцу 21 лютага ва ўніверсітэцкім дворыку маляўніча сустрэлі Масленіцу.

Масленіца – адно з самых яркіх і вясёлых народных святаў, якое дагэтуль спраў­ляюць беларусы. Свята сім­валізуе канец не­пагод­лівай зімы і прыход доўга­чаканай вясны. Спрадвеку Масленіцу святкавалі ярка: спальвалі традыцыйнае пу­дзіла, ката­ліся на санках, гулялі ў разнастайныя гуль­ні і, вядома ж, пяклі апетытныя бліны, якія з’яў­ля­юцца знакам сонца.

масленица бгу блиныЗладзіць Масленіцу ў БДУ і зрабіць гэтае свята традыцыяй вырашыла пяр­вічная прафсаюзная арга­нізацыя студэнтаў. Іні­цы­ятары Мас­­леніцы не сталі ады­ходзіць ад народных звы­чаяў і правялі гэта сонечнае свята па ўсіх правілах. Гонар «разрэзаць чырвоную стужку» дастаўся прарэктару па вучэб­на-вы­хаваўчай рабоце і сацыяльных пытаннях Уладзіміру Сувораву. Са святочнай прамовай выс­тупіла і старшыня пярвічнай прафсаюзнай арганізацыі студэнтаў Вольга Локцева.
На ўваходзе студэнтаў, выкладчыкаў і гасцей БДУ сустракалі вясёлыя скама­рохі, розныя казачныя персанажы, наймілейшыя рос­тавыя лялькі.

масленица бгу занковичСвяточную атмасферу дапаўнялі народныя пры­пеўкі, задзірыстыя мело­дыі баяністаў і ўсмешкі ўдзель­нікаў.

масленица бгу занковичЯрчэй за ўсіх усмі­халіся тыя, каму ўда­ло­ся зай­мець запаветнага пеў­нічка на палачцы або пару аба­ранкаў. Значную частку за­баўляльнай праграмы скла­далі выступленні этна-фолк-калектыву Guda, фальклорныя песні, розныя конкурсы, вясёлыя танцы і дружныя карагоды. Кожны ахвотнік змог паспрабаваць сябе ў змаганнях у арм­рэстлінгу, дартсе, а таксама ў гонках на мётлах і кіданні кольцаў.

масленица бгу занковичНайбольшую ўвагу гасцей свята прыцягнулі намёты з гарачымі залацістымі блі­намі. Чарга, вядома, была немаленькая, але ўсе за­сталіся задаволеныя і, што самае галоўнае, пад’еўшы. Акрамя таго, шмат хто паспеў зрабіць памятныя фота з багінямі вясны і зімы, а таксама з упадабанымі пер­са­нажамі Масленіцы.
Уваход на мерапрыемства быў вольны, адзінай умовай з’яўлялася наяў­насць выдатнага настрою. У студэнцкім прафкаме лічаць, што пачынаць трэба з малога, таму Масленіца БДУ – гэта толькі пачатковы этап сярод цікавых, пазнавальных і масавых мерапрыемстваў.
масленица бгу занковичА мы Масленіцу сустракалі,
Сырам гару набівалі,
Маслам гару налівалі,
На шырокі двор гукалі
Ды блінамі частавалі.
(Песні на гуляннях з вёскі Ма­дора Рагачоўскага раёна)
Падрыхтавала Лізавета МАКАРАНКА

Фота 1, 3, 4, 5, 6 Ганны Занковiч

Яшчэ больш фота тут

Відэасюжэт святкавання Масленіцы ў БДУстрелкa

print

Вам таксама можа спадабацца: