Конкурс “БДУ ў тваім фармаце-2015”

27 Nov, 2015.

Абвешчаныя пераможцы конкурсу-выставы фота- і відэапрац «БДУ ў тваім фармаце».

Фотапрацы ацэньваліся ў дзевяці намінацыях. У спаборніцтве фатаграфій сваёй alma mater прынялі ўдзел студэнты ўсіх факультэтаў ВНУ. Сёлета выхаванцы БДУ даслалі 520 фотапрац.

“Твары БДУ” лепш за ўсіх “паказаў” другакурснік ФПМІ Ілья Качан. Пераможнае “БДУ ў эмоцыях” узнавіла пяцікурсніца Інстытута журналістыкі Юлія Ішмуратава. Студэнт 1 курса хімічнага факультэта Андрэй Замжыцкі стаў першым у намінацыі “Сакавітае фота“, а ў катэгорыі “У свеце жывёл” — чацвёртакурсніца ІБМТ Кацярына Старцава.

“Нечаканы ракурс” найлепшы ў пяцікурсніцы хімічнага факультэта Крысціны Падаляка. Лідарам у “Фотарэпартажы” стала чацвёртакурсніца ФПМІ Анастасія Рабкова, а ў намінацыі “Цуды прыроды” першынство дасталася першакурсніцы геаграфічнага факультэта Аляксандры Крук. Найлепшым фатографам ва ўзнаўленні “Люстранога адлюстравання” прызнана другакурсніца ММФ Юлія Казіева. “Фота вандравання” наймацнейшае ў Анастасіі Рабкавай.

Нагадаем, урачыстая цырымонія ўзнагароджання аўтараў найлепшых відэа- і фотапрац адбылася 26 лістапада ў БДУ.

Арганізатарамі конкурсу выступілі ўпраўленне выхаваўчай працы з моладдзю, упраўленне па справах культуры і студэнцкі саюз БДУ.

Яшчэ больш пра пераможцаў конкурсу чытайце тут

Намінацыя «Сакавітае фота»