Студэнтка 5 курса англійскай філалогіі з Туркменістана Базарава Маўлюда, якая зрабіла аплікацыю на паперы з элементамі малюнка, перамагла ў намінацыі “Дэкаратыўна-прыкладное мастацтва”.
У намінацыі “Фатаграфія” атрымала перамогу студэнтка 3 курса англійскай філалогіі Шпартава Анастасія, чые працы можна ўбачыць і ў афіцыйнай групе філалагічнага факультэта ў сацыяльнай сетцы “УКантакце”.
З “Одай філолагам” у літаратурнай намінацыі найлепшай стала студэнтка 3 курса рускай філалогіі Юлія Фельдшарава.
“Жаночыя вобразы класічнай філалогіі” прынеслі перамогу ў намінацыі “Малюнак” Марыі Якуце, студэнтцы 5 курса класічнай філалогіі.
А сярод эсэ апынуўся найлепшым твор пра родны горад Ваўкавыск Марыі Жмайлік, студэнткі 2 курса беларускай філалогіі.
Акрамя таго, магістрантка філалагічнага факультэта Лахоўская Ганна, якая ўпрыгожыла выставу сваёй працай у тэхніку фрывалітэ, атрымала ў падарунак ад Цярэнцьевай Юліі Мікалаеўны, майстра фрывалітэ, выкананую ў гэтай жа тэхніцы пляцення “Папараць-кветку” – знак пазнання, знак БДУ.
Пераважная большасць прызоў цалкам адпавядае духу ўніверсітэта, бо “кніга – найлепшы падарунак”. “Санеты Янкі Купалы”,”Беларусь і беларусы ў прасторы і часе” – студэнты змогуць абзавесціся сапраўды каштоўным літаратурным багажом.
Узнагароджаны былі таксама госці з гістарычнага факультэта – клуб экскурсаводаў БДУ INVIA, які спрыяе развіццю турызму ў Беларусі.
Актыўны ўдзел у конкурсе шматлікіх факультэтаў раскрывае не толькі жаданне студэнтаў перамагчы, але і іх шчырую любоў да сваёй альма-матар. Старшыня прэс-службы філалагічнага факультэта Рабко Анастасія адзначыла, што сапраўды рада такому мноству ўдзельнікаў і іх крэатыўных ідэй. “Удзельнічайце яшчэ!”– заклікае яна.
Юлія КЛІМЯНКОВА
