«Школа маладога выбаршчыка» стартавала 19 снежня ў БДУ. З вітальным словам выступіла прарэктар па выхаваўчай рабоце і сацыяльных пытаннях Ганна Бакун. Яна адзначыла важнасць дадзенай ініцыятывы, якая дазволіць маладым выбаршчыкам павялічыць сваю палітычную і прававую культуру. Таксама ва ўрачыстым адкрыцці прынялі ўдзел начальнік упраўлення па выхаваўчай рабоце з моладдзю (УВРМ) Аляксей Шавель і намеснік дэкана юрыдычнага факультэта Віктар Сухапараў.
Усяго ўдзельнікамі праекта сталі каля 200 студэнтаў, якія ўпершыню прымуць удзел у выбарчым працэсе ў лютым 2024 года.
Для іх арганізуюць тры тэматычныя этапы з заняткамі. Праграма адкрылася лекцыямі і майстар-класамі на тэму «Выбарчы працэс у Рэспубліцы Беларусь ». У якасці спікераў выступаюць выкладчыкі факультэтаў міжнародных адносін, журналістыкі, юрыдычнага і гістарычнага.
У студзені запланавана дыскусійная пляцоўка з удзелам дэпутатаў Палаты прадстаўнікоў Нацыянальнага сходу Рэспублікі Беларусь. Прадстаўнікі заканадаўчай улады распавядуць студэнтам пра выбарчае права ў нашай краіне.
Завяршальнымі заняткамі стане дзелавая гульня «Сацыяльны партрэт дэпутата як фактар уплыву на выбар выбаршчыка», якая пройдзе ў лютым наступнага года. Удзельнікі змадэлююць інтэрактыўныя выступленні кандыдатаў у дэпутаты перад электаратам, прадставяць перадвыбарную праграму і адкажуць на пытанні патэнцыйных выбаршчыкаў.
Нагадаем, праект рэалізуецца з мэтай асветы студэнцкай моладзі па тэматыцы выбарчага працэсу ў Беларусі, павышэння павышэння грамадзянскай актыўнасці і прававой культуры студэнтаў грамадзянскай актыўнасці і прававой культуры.
Арганізатарам праекта выступае УВРМ БДУ.
Паводле інфармацыі прэс-службы БДУ
