Юрыдычны факультэт БДУ – гэта прэстыж, творчасць, будучыня, фундаментальныя веды, выдатная прафесійная падрыхтоўка!
Дэкан – доктар юрыдычных навук прафесар Сяргей Аляксандравіч БАЛАШЭНКА
Адрас: Мінск, вул. Ленінградская, 8
Тэл. 209-52-30
Е-mail: law@bsu.by
www.law.bsu.by
У структуры факультэта 11 кафедраў, 6 вучэбных лабараторый (заканадаўства, інфарматыкі і тэхнічных сродкаў навучання, інавацыйных тэхналогій навучання, «Юрыдычная клініка», крыміналістычнай тэхнікі і судовых экспертыз, палітычных тэхналогій) і два вучэбныя кабінеты: тэорыі і гісторыі дзяржавы і права і прававой інфарматыкі.
Фонд бібліятэкі юрфака складае звыш 200 тыс. выданняў, у тым ліку і ўнікальных.
СПЕЦЫЯЛЬНАСЦІ
• «Правазнаўства». Кваліфікацыя «Юрыст»,
• «Эканамічнае права». Кваліфікацыя «Юрыст з веданнем эканомікі»,
• «Паліталогія». Кваліфікацыя «Палітолагюрыст».
Студэнты-прававеды спецыялізуюцца па 9 напрамках: арганізацыя і дзейнасць дзяржаўных органаў, гаспадарчае права, судовапракурорска-следчая дзейнасць, адвакатура і натарыят, падатковае і банкаўскае права, прававое забеспячэнне камерцыйнай дзейнасці, прававое рэгуляванне фінансаў і крэдыту, палітыка і дзяржаўнае кіраванне, еўрапейскае эканамічнае права.
СТУДЭНЦКАЯ НАВУКА
Вучэбны працэс спалучае класічную форму выкладання з новымі адукацыйнымі тэхналогіямі. Юрыдычны факультэт забяспечаны сучаснымі тэхнічнымі сродкамі навучання, аб’яднанымi лакальнай сеткай. Прафесійныя навыкі студэнты набываюць на семінарскіх і практычных занятках, вучэбных і вытворчых практыках, у «Юрыдычнай клініцы».
На факультэце створаны ўсе ўмовы для вучэбнай, навуковай дзейнасці і рэалізацыі творчых здольнасцяў студэнтаў. Праводзяцца студэнцкія навуковыя канферэнцыі, конкурсы навуковых работ, дзейнічаюць студэнцкія органы самакіравання, на кафедрах працуюць студэнцкія навуковыя гурткі.
МІЖНАРОДНАЕ СУПРАЦОЎНІЦТВА
У цяперашні час асноўнымі замежнымі партнёрамі факультэта выступаюць:
Арганізацыя еўрапейскага публічнага права (EPLO), Інстытут Луі Фаваро Універсітэта Экс-Марсэль, Кіеўскі ўніверсітэт
права; Кубанскі дзяржаўны ўніверсітэт, МДУ імя М. В. Ламаносава, Патсдамскі ўніверсітэт, Расійская дзяржаўная акадэмія інтэлектуальнай уласнасці, Саратаўская дзяржаўная юрыдычная акадэмія. Універсітэт Бінь Зыонг (В’етнам), Універсітэт Усходні Парыж – Нантэр-ля-Дэфанс, Філіпс універсітэт г. Марбург, Нацыянальны юрыдычны ўніверсітэт імя Я. Мудрага (Украіна).
Асноўнымі напрамкамі міжнароднага супрацоўніцтва з’яўляюцца:
1. Запрашэнне замежных выкладчыкаў для чытання лекцый і правядзення семінараў па найбольш актуальных пытаннях прававой навукі і практыкі.
2. Міжнародныя навуковыя канферэнцыі студэнтаў, магістрантаў і аспірантаў з удзелам прадстаўнікоў замежных дзяржаў.
3. Міжнародны летні ўніверсітэт пры ўзаемадзеянні з Патсдамскім універсітэтам і Універсітэтам Усходні Парыж – Нантэр-ляДэфанс.
4. Сумесная навукова-метадычная і адукацыйная дзейнасць з замежнымі калегамі, сярод якіх асноўнымі партнёрамі выступаюць: Global Alliance for Justice Education (GAJE), European Network for Clinical Legal Education (ENCLE), Цэнтр развіцця юрыдычных клінік (заключана пагадненне аб супрацоўніцтве), Інстытут правоў чалавека і гуманітарнага права імя Р. Валенберга,
(Швецыя), Універсітэт Палацкага ў Аламоўцы (Чэхія), Фонд юрыдычных клінік Польшчы.
5. Удзел у міжнароднай адукацыйнай праграме Erasmus.
6. Удзел у праекце Еўрапейскага саюза па пашырэнні прафесійных кантактаў паміж грамадзянамі ЕС і Беларусі (MOST) і інш.
СТУДЭНЦКІЯ ІНІЦЫЯТЫВЫ
Міністэрствам адукацыі на факультэце штогод праводзіцца Беларуская студэнцкая юрыдычная алімпіяда. На базе музея правазнаўства працуе гісторыка-патрыятычны цэнтр «Памяць».
Вучэбная лабараторыя «Юрыдычная клініка» – гэта структурнае падраздзяленне юрыдычнага факультэта БДУ, якое займаецца навучаннем студэнтаў практычным навыкам юрыста праз ажыццяўленне імі бясплатнага прававога інфармавання і кансультавання малазабяспечаных і сацыяльна неабароненых катэгорый грамадзян пад кіраўніцтвам выкладчыкаў-куратараў. На дадзены момант вучэбная лабараторыя «Юрыдычная клініка» супрацоўнічае з агульнаадукацыйнымі навучальнымі ўстановамі Мінска і Беларусі.
ПРАЦАЎЛАДКАВАННЕ
Нашы выпускнікі працуюць у заканадаўчых і выканаўчых органах улады, у судовай сістэме дзяржавы, у праваахоўных органах, адвакатуры, натарыяце, на прадпрыемствах усіх формаў уласнасці. Сярод выпускнікоў – кіраўнікі Адміністрацыі Прэзідэнта Рэспублікі Беларусь, міністры, дэпутаты Палаты прадстаўнікоў і члены Савета Рэспублікі Нацыянальнага сходу Рэспублікі Беларусь, кіраўнікі ўстаноў і арганізацый. Выпускнікі факультэта ўзначальваюць Канстытуцыйны i Вярхоўны cуды, Генеральную пракуратуру Рэспублікі Беларусь, Дзяржаўны камітэт судовых экспертыз, Дзяржаўны камітэт па маёмасці Рэспублікі Беларусь, Нацыянальны цэнтр заканадаўства і прававых даследаванняў, Міністэрства культуры Рэспублікі Беларусь, Суд Еўразійскага эканамічнага саюза, Эканамічны суд СНД, Рэспубліканскую калегію адвакатаў, Саюз пісьменнікаў Беларусі, грамадскае аб’яднанне «Беларускі рэспубліканскі саюз юрыстаў» і інш.
– Юрыдычны факультэт БДУ даў пуцёўку ў прафесійнае жыццё больш чым 25 тысячам юрыстаў. Менавіта дзякуючы юрфаку забяспечвалася станаўленне і развіццё сучаснай беларускай дзяржаўнасці і яе заканадаўства.
Сёння факультэт – гэта самабытная моцная юрыдычная школа з багатай гісторыяй, пашыраная міжнароднымі сувязямі, а дыплом юрфака БДУ – гэта сведчанне высокай прафесійнай падрыхтоўкі спецыялістаў-юрыстаў, здольных паспрыяць сацыяльна-эканамічнаму ўздыму беларускай дзяржавы і яе паспяховай інтэграцыі ў сусветную супольнасць.
Аляксандр КАНЮК, Генеральны пракурор Рэспублікі Беларусь, дзяржаўны саветнік юстыцыі першага класа.
– На юрфаку працуюць сапраўды таленавітыя навукоўцы і педагогі. Яго выпускнікі паспяхова працуюць у шматлікіх дзяржаўных органах. Спецыялісты юрфака зрабілі важкі ўнёсак у навуковае забеспячэнне дзейнасці органаў пракуратуры Беларусі і ўкараненне вынікаў даследаванняў у практыку. Перакананы, што невычэрпны патэнцыял прафесарскавыкладчыцкага складу факультэта будзе спрыяць фарміраванню прававой дзяржавы і развіццю грамадзянскай супольнасці.
