Студэнт геаграфічнага факультэта БДУ Ягор Левачоў: “Розніца ў тым, што ў Францыі ты вучышся самастойна”

12 Oct, 2015.

Егор Левачёв БГУ Наш cуразмоўца – Ягор Левачоў (http://vk.com/levachou) БДУ: Ягор, з прыездам! Ягор: Зусім нядаўна вы ездзілі на мерапрыемства ў САК "Брыганціна", памятаю ваш стан чакання пасля падачы дакументаў. І вось вы ўжо на Радзіме. Мне здаецца, мы штосьці прапусцілі :) БДУ: Распавядзіце ўсё па парадку. Што было спачатку, дзе праходзіла стажыроўка, і чый быў выбар? Ягор: З задавальненнем распавяду. Вучыцца ў Францыі я захацеў яшчэ ў канцы першага курса. Са школы хацеў вывучыць французскую і таму ва ўніверсітэце не працягнуў навучанне англійскай. Але, як высветлілася, тэмпы авалодання французскай былі не дужа хуткімі і ўзровень не быў найлепшым. Таму было вырашана ехаць у Францыю. На жаль, у мяне атрымалася гэта зрабіць толькі на пятым курсе, і шкадую, што не раней. На чацвёртым курсе я сабраў усе неабходныя дакументы, дзякуй сябрам, яны мне дапамаглі з гэтым, і я пайшоў па пратаптанай сцежцы. Я падаваў дакументы на ўдзел у праграме ERASMUS MUNDUS MID. Дакументаў сапраўды шмат, гэта адымае і сілы, і час. Але не варта адчайвацца. Адправіўшы ўсе дакументы ўзімку, у маі я даведаўся, што праходжу па конкурсе, чаму я быў вельмі рады. З верасня 2014 па студзень 2015 я вучыўся ва Універсітэце Бардо  ў г. Бардо, Францыя Егор Левачёв БГУ БДУ: Як ваш досвед можа істотна палегчыць падрыхтоўку і знаходжанне ў іншай краіне нашым студэнтам? Ягор: Я магу падказаць тое, што калі вы вучылі іспанскую ці французскую, то не абавязкова мець спецыялізаваныя сертыфікаты, як па англійскай. Вашы веды мовы можа пацвердзіць і ваш выкладчык па замежнай мове. І магу параіць абавязкова вывучыць загадзя ўсе дакументы па вашай праграме, не варта верыць чуткам. БДУ: І з якіх дакументаў варта пачынаць? Ягор: На мой погляд і досвед, самымі важнымі і першараднымі з'яўляюцца пацвярджэнне дастатковых ведаў мовы і матывацыйны ліст – яго цяжка скласці. Прынамсі, так было для мяне. Пералік усіх дакументаў і формаў ёсць на сайце ўніверсітэта, усё распісана па кроках. БДУ: Хто вам дапамагаў? Ягор: Мне дапамагалі мае сябры і знаёмыя, якія ўжо праходзілі падобныя стажыроўкі, і асабліва тыя, хто праходзіў яе ў Бардо. А таксама мне вельмі было прыемна адчуваць падтрымку з боку Ірыны Міхайлаўны Ананіч (вядучы спецыяліст аддзела міжнародных праграм і праектаў упраўлення міжнародных сувязяў БДУ). БДУ: Ягор, ці атрымлівалася падарожнічаць падчас стажыроўкі? Ягор: Так, атрымлівалася. Але раю не рабіць маіх памылак і папярэджваць каардынатараў. Тады не паўстане пытанняў са страхаваннем. БДУ: Як жывуць французы? Якая ў Францыі моладзь? Ягор: Французы жывуць добра, усмешліва і ветліва, я б сказаў. Моладзь не моцна адрозніваецца ад нашай, з аднаго боку, яны неабавязковыя (так, гэта праўда) і індывідуальныя, з іншага – заўсёды гатовыя выйсці на вуліцы і падтрымаць астатніх. БДУ: У чым заўважылі розніцу па працэсе адукацыі, у чым было лёгка, а ў чым складаней? Егор Левачёв БГУ Ягор: Асноўная розніца ў тым, што ў Францыі навучанне накіравана на тое, што ты вучышся самастойна. Няма ніякіх адзнак па практычных, няма ніякіх бонусаў за наведванне ўсіх лекцый. Выкладчык паказвае, як вырашаецца задача, і ўсё. І на іспыце бачныя ўсе твае веды. БДУ: Што можаце прапанаваць для ўкаранення ў сістэму адукацыі Беларусі? Ягор: Мне вельмі спадабалася працэдура правядзення іспыту. Калі вырасту і буду працаваць выкладчыкам у ВНУ, буду таксама прымаць іспыты. Французы праводзяць іспыты па двух прынцыпах – ананімнасць і роўнасць. БДУ: Што для вас БДУ? Ягор: БДУ для мяне – гэта вядучая ВНУ, як казаў наш дэкан "Сарбона Усходу". Але хацелася б пасля вядучай ВНУ працаваць і на вядучых пазіцыях. БДУ: І пра тое, пра што мы не спыталі, ёсць магчымасць распавесці :) Ягор: Я магу толькі дадаць, што Францыя – гэта не простая краіна, часам раз'юшвае, часам яе любіш да непрытомнасці. Таму мае рацыю Сарказі: "Францыю трэба ці любіць – ці з'язджайце". Мне вельмі спадабалася вучыцца і жыць у Францыі, я рады, што ёсць такія магчымасці міжнароднага абмену. Усім раю скарыстацца! БДУ: Дзякуй, Ягор! Наталля КАПАЦЭВІЧ Егор Левачёв БГУ r2_kafn2a83a_orig_e84c71b6    
print

Вам таксама можа спадабацца:

Дадаць каментар

Ваш e-mail не будзе апублікаваны. Абавязковыя палі пазначаны *